Eand'e e cosa, si che un astore,
mi potera pesare in altu ‘olu!
Non pro bocchire calch' ae minore,
prite m'est caru s'anzenu consolu;
ma pro poder, che unu rusignolu,
cantare sa Sardigna cun'amore;
e invece, terranzu, in su chizolu,
isto che unu grìgliu cantadore.
Chi a su càntigu at bia passione,
ma, s'intendet appena unu suguzu,
timende, cagliat sa sua cantone;
e, appena sensadu s'ischimuzu,
azardat torra, cun suggestione...
unu — CRI! — chi li morit in s'irgurzu.
Giovanni Antonio Cossu
1° premio ex aequo 1958
(Logudorese)