UNU TOCCU.

Nottesta m'has toccau sa fantana
ma no t'hapu abettu po su frius;
crobetus tengu totus is nius
e tui frusias in su spotteddu
a dogna toccu fais s'and'e torra.

Fillus
dromei ca ge billat mamma!
No timàis po sa notti fingìa!
Est scetti sa luna spraudìa
chi assunconat cun boxi de lamentu!
Forzis est ca in celu ddu hat trumentu
e is animas no axeliant de cantai
ca est su fogu
sa nì a trumentai
totu s'atropìlliu de sa vida!

Scida! Scida pipiu sonnigosu!
Ti biu in sa stoia forriottendu;
oh mamma! Scis ca fui sonnendu

a babbu
ca s'enna fut tocchendu
e fut crobetu a sacu di orbaci

fuendu avatu portat una fraci
de cudda manna manna furistera
e babbu fut fendi sa manera
di aberri s'enna de 'omu nosta
ma pariat una cosa fatt'aposta
ca su soli hat luxiu a s'improvisu;
cittu! Cittu pipiu
ca su sonnu abortas est avisu.