Torradu ses?

Addainanti 'e su balcone meu
cirolittende brinchittas dicciosu
subra una chedda 'e fiores biancos.

It'est chi ti nde 'attit a inoghe
che istranzu isettadu e caru
in custu
mendeosu 'eranu prinunadìu?
S'andare giustu 'e s'istajone noa

in sos padros eallu a passu sou? (1)
Sa 'oghe in fiamores giama-giama
de sa cumpanza tua a pagu trettu?

Ses torradu!...
E ite si potera a che giumpare

chena chi ti nde seres

a-i cudd'ala 'e custu 'idru leccu!...
Pro ti poder leare
che criadura mia
in pianta 'e manu.
E pustis subra s'ala
tua
che frina frisca
e lébia 'olare addae unipare...

Torradu ses?...
Isetta! Non ti ch'andes!
Iscultami un'iscutta - si t'aggradat.
Ma... Ite t'hap'a narrer?
Tue ischis dogni cosa a bonu proe.
E faghes tottu cun seru cabale
cantu natura e virtude ti pedin...
Addolunostru! Tue puru ischittis (2)
su chi cun neghe atere distruet.

... Ello chi no?
Chi non ses su matessi 'e antiannu?
A sa bonora siat!
Manch'eo so su propiu... Eo puru
hapo mudadu pumas... Intro e fora.
Ma che tue matessi - abberumia!
galu m'iscaldin ganas de amore...
Aisettende dies chi fiorin
in tempus mezus... Pro mi nde gosare.

GIOVANNI FIORI di ITTIRI -
res. 07100 - SASSARI - via G. PASTORE
2
- tel. 079/29.24.41

1) eallu: qui avv. di tempo: già
ormai
2) ischittis
ischittire - pagare
scontare (un danno. una colpa...)