— TERRA INCOLTA —

Ozieri t'hap'ida dae lontanu
e non connosco sa tuo bellesa
m'hana nadu chi tenes gentilesa
e ospitalidade pro s'istranu
su fruttu chi ti mando 'e campidanu
est de pianta paltarigadesa
e a s'invitu c'has fatu in su giornale
sollecitu rispondo e puntuale

Su tema chi presento est su narbone
in Sardigna, de linna variadas
tra cambos friscos e naes sicadas
chi s'intrecciat s'areste titione
tiat bessire bellu s'idazzone
s'esseran certas terras coltívadas
manu manu sos bravos contadinos
trasformare las tiana in giardinos

Ma sun puru rios buscos necessarios
ca sos massayos segana furcones
entales de arados e timones
cun ateros articulos agrarios
e poden costruire oggettos varios
e manigas de piccoso e marrones
, faghen puru carbones vegetales
Ch' impiegana mannos capitales

Finas sa terra incolta tenner vida
devet in pianuras o montagnas
che ornamentu de bellas campagnas
comente de natura est costruida
si seminada benit e
naschen'ispigas de cussas intragnas
Ca meravigliosa est sa coltura
ma tott'est fruttu de mamma natura

Sun terra incolta sos analfabetas
ca no andesini a istudiare
eppure poden bonos fruttos dare
pugiles currídores'e atleta
celebres iscultores'e poetas
e medas chi non potto nominare
finas s'insuperabile Murenu
fit incoltu ma, fertile terrenu.

Faghen soa autores
diversas poesias
sun puru sos flores
de milli e prus genias


- TEMPUS DE OE -

Sun sos tempos modernos apparidos
cun massimu progressu e vanidade
ma semus pro sa tropu libertade
crudeles, egoistas e accanidos
pro su bene sociale disunidos
ca su mund'est pienu e falsidade
Deus e santos no esisten prusu
pro chie l'hat giradu a fundu ín susu

Su populu odiernu no intedede
che in tempus antigu a tribagliare
anzis best calicunu chi pretendede
finas cand'est a zonzo a lu pagare
b'est chie vivet ben'e pagu ispendede
chie tribagliat non podet campare
chie de imbrogliare hat s'abitudine
ponet sos esercentes a s'incudine

Su lussu est in manera istravagante
sa mod'hat superadu ogni misura
cuddu ch'est a terr'addirittura
bandat a gara cun su ben'istante
e si mandat su babbu mendicante
narat chi est travessu de natura
e su babbu assumet martirizzos
pro sa malvagidad ' e certos fizos

Non seo contro sos tribagliadores
nemancu contro d'aristocrazia
ma bandA contro sa categoria
chi cun s'íngannu viven de signores
e seo contro sos malefattores
chi ponen tropu zente in tribulia
su rispettu partidu est in permissu
como dognunu si comandat issu

S'argumentu mi toccat a serrare
ca non potto su cantu prus estendere
e tia puru meda zente offendere
s'in custu tonu sighessi a cantare
sun ladinos sos tastos de toccare
e sa musica facil ' cumprendere
sa critica est fatta in generale
ma su meritu restat parziale

Si sa giuria intuidi
tottu su c'hapo nadu
cand'hat esaminadu
de eu giustu non fuidi


— COSA ASSURDA

Medas battallan'e faghen pelea
e pretendene a forza sa reyone
nende pro agatare s'unione
devimis tenner sa matess'ide
ma mi paret assurda e cosa fea
si tenimis tott'una intenzione
mentres si sas bideas sunu mistas
de medas tipos bidimos artístas

Creo chi sende tottu agricoltores
ei tiot tropu terra seminare
invece tenen dirittu e campare
giardineris, baccarzos e pastores
falegnames, ferreris, muradores
giometras ingigneris tott'impare
chie tribagliet e chie cumandada
si unu benit, s'ateru sind'andada

Si de benes' e males'est pienu
ou mundu, s'est connotu e restat gai
medas nde faghet s'omine terrenu
ma custas cosas non cambiat mai
un'istat bene, un'ateru in guai
chie papat su son e chie s'anzenu
e boltas unu poveru aumentada
e unu riccu poveru diventada

Su tontu esistet'e s'intelligente
coment'esístet su bellu e su bruttu
s'omin'est vigliaccu e farabuttu
cando si ponet sutta s'innocente
un'assassinu ca est delinquente
nessi pro sa giustizia dat fruttu
de chie suffri males e dolores
vivene farmacistas e dottores

Abbrazzemus cun santu passienzia
sa rughe chi non benit assignada
ca senza rughe mancunu che nd'hada
pro cantu in terra tenet esístenzia
sa gloria tenimos riservada
in s'altru mundu, chi capu guvernu
namus chi siat unu Babbu Eternu

Si nois cambiamos
sos modos de agire
certu chi agatamo
prus bonu s'avvenire