Semidas de Vida

Semidas -analizzende-
de sa vida presente

apparessint -ancora-
a sas passadas copiolas

-Pedras sepulcrales
da-e sos bios olvidadas
-Pedras aillargu
da-e preziosidades impompadoras!...
-Pedras nudas
carignadas -solu-
da-e sa lebra de su tempus

da-e sa muffa
ramine
e istercu de puzones...
...a lacana de sas pedras biventes

ortiga e piuere cun abba
cuant e canzellant!...
solu addae
in corona de laru e d'olia

filomenae e furferazos

-fittianos- pregant cantende:
dulche e meritada paghe

Cando
s'umana esistenzia

in bezzesa chi siat o in zovania

imprimit s'ultima semida

s'ispiju verdaderu
-semper' tistimonzu-

in s'ultimu abboju

mesurat e pesat cantu:
-in oberas e ispiritu hat lassadu
sa vida nostra concluida...

-Passadu chi siat su tempus

in cussas pedras
potant sos restantes
lezzere: - Mancari grega e inimiga
bistada li siat sorte-
...issu
hat bividu ...

Boladu s'anghelu sou

issu puru est boladu...
-cun semplizidade-

Sa vida umana -isvanessit-:
Comente calat sa notte,
cando, interinat sa die



De Cortis Filippo
Via Luigi Bay
2
09170 Torregrande (OR)
Tell. 340 2537226 - 0783 22277