Informazioni sull'opera
EMIGRANTES
Ho fizu de sa terra de Jchnusa
Chi sa cara dimora hasa lassadu
Pro chircare tribagliu in aterue;
Pro tantu male chi t'han causadu
oe niunu ti pedit iscusa
s'unicu responsabile ses "tue".
Distintos tribagliantes in totue
Ma custrintos a esser emigrantes
in totue distintos tribaliantes
ma emigrantes a esser
custrintos
tribagliantes prejados e distintos
ma emigrantes
custrintos a essere.
Un'eloju sintzeru cherzo tessere
Ca l'azis meritadu de abberu
Tessere cherzo
un'eloju sintzeru
Ca bos azis in fora
fattu onore.
Versend-a broccas tebiu suore
Ca no est lebiu a segare roccas
versende tebiu
su suore a broccas
c-a segare sas roccas no est lebiu
versend-a broccas
su suore tebiu
1°FIORE no est lebiu
roccas a segare.
In funderia
ferru a iscazare
B'hat cardu meda
finas in ilgerru
In funderia a iscazare ferru
b'hat calura in ilgerru e in istiu
in ue
impignas coro
forza e briu
benis finas pagadu a su baratu.
2°RETROGA Ho fizu de sa terra de jchnusa
..............................
ca bos azis onore in fora fattu
S'usurpante usuràriu cuntrattu
a s'emigrante est 'istadu contrariu
su cuntrattu usurpante
usuràriu
contrariu est 'istadu a s'emigrante
su cuntrattu usuràriu
usurpante
2°FIORE a s'emigrante est contrariu 'istadu.
Cumprendo chi momentos hast passadu
in discunfortu
fastizu e turmentos
cumprendo chi passadu hast momentos
in turmentos
fastizu e discunfortu;
unu friscu fiore
a chi-est mortu
che lis imbio a s'urtima dimora.
3° RETROGA Ho fizu de sa terra de Jchnusa
..............................
ca fattu onore bos azis in fora
Sa mama
in disizu 'stat d-ogn'ora
De abbratzare cun brama su fizu
sa mama 'istat d-ogn'ora in disizu
de abbratzare su fizu cun brama
in disizu d-ogn'ra 'istat sa mama
cun sa brama su fizu de abbratzare.
De Sardigna
bos poto raccotàre
ch'est semper ospitale
generosa;
Ma sa terra
s'est fatta infruttuosa
Produit pagos fruttos ne laores;
Sun totu lamentosos sos pastores
Paren torrende a tempos bisonzosos
3°FIORE Sos pastores sun totu lamentosos
Pro varias traschias e siccagnas
ca sunu inarridìdas sas campagnas
sas ch'irricchìdu
no han a niunu
inarridìdas sas campagnas sunu
sas ch'a niunu no han irricchìdu;
Ca su terrinu arridu e sidìdu
non podet dare pasculu ne fruttu.
Gai su riccu est riccu
mancu mutu
Su poberu prosighit sa cumbatta.
Custa moda
pro bois l'happo fatta
Ho caros emigrados de Sardigna
chi d-ogni die
onorades s'insigna
de nois sardos in su mundu intreu
aggradesside su saludu meu.
Titolo | EMIGRANTES |
Sezione | |
Autore | Luigi Piu |
Nome | A20040013 |
Anno | 2004 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2004 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |