A su missionariu CRISTIANU

Dendhe s'adiu a sa vi da mundhana,
Su Rughefissu in su pettus ti pones:
andhas'a terra incognita e lontana
in mesu e tantas barbaras persones,
ue sunt tantas sas religiones
pagu connotta b ' est sa Cristiana.
Tue però connoschere bi lis faghes,
mancari cun su sambene chi paghes.

E no est pro inari e pro onores,
si faghes in su mundhu tantu inghiriu
ca est pro sanare sos dolores
de custa umanidade, su deliriu;
ca boltas ricumpensat sos favores
dendhedi morte, presone o martiriu.
Ma tottu azzettas e non t'ispaventas
moris o suffris e non ti lamentas.

Sa nostra ziviltade ch'est Latina
portas in mesu de cussos paganos;
lis preigas de Cristos sa dottrina
sient mongoloso, negros, africanos;
cun d'una sapienzia divina,
ndhe formas de sos veros Cristianos.
Arrivadu a s'iscopu, ti cuntentas
de ider tantas animas redentas.

Can tos lebbrosos in su lebbrosariu
curas de tantas fatidas piagas.
Si tue infermieri volontariu
su contributu cun sa vida pagas;
non solu est sentimentu umanitariu
est'amore pro Cristos, chi l'appagas
tantu amore sentidu a tottu prou,
riversendhelu in su prossimu tou.

E candho contagiadu e maladia
in lontana e diversa latitudine;
non solu s'es, chi han'in cumpagnia
su desertu e s 'umana ingratitudine:
non pensae forsi a sa terra nadia
abbandhonadu in tanta solitudine?
Bì pensae si,e has sa visione
ch'est . a fine sa tua Missione.

Ma pensas puru, pregas e isperas,
ch'in su Mundhu diventent tottu bravos,
iscumparent comfines, barrieras'
oppressos, oppressores, ischiavos,
e fraternizzes cun bonas manieras,
sos !populos :Latinos, sos Islavos;
e diventet s'intera razza umana
una sola Familia Cristiana.

Pro te sunt custos versos caru
frade,
Martire, Eroe pro s'umanidade.

Sotgiu Antonio