( A Sa Vergine Santissima)

Vergine mama, fiz'ispos e fizu,
Reina in su chelu collocada;
Suave proffum' e candidu lizu.
Primm'as tota sa terra proffumada,
Assunta carre in s'empireu
Pro esser'e su mundu s'avvocadu,
Pro volontad'e su Divinu Deu.
Sa divina natura cun s'umana
Ad'unidu, chenza tacca ne neu,
In chel 'e terra nde regnas' sovrana.
Sa Divina maestade a favoridu
Su Misteriu e tanta forz'arcana.
Ad'in su Paradisu istabilidu
Ver'e viva lughe de sos chelos,
Su celeste giardinu fioridu,
Cint'e Santas'e santos'eanghelos.
Maria est'in mesu coronada,
Cun mantos d 'oro e candidos velos,
E da—e tottugantos venerada
Ave, Maria, de grazias'piena,
Dae cumpiaghente una mirada
A custu mund'ingratu ch'est'in pena.
De caridade e de amorr azzesa,
Ogni dolore placa e assulena;
Perdona ogn'issoro debilesa.
E implora e Deus 'su perdonu,
Mancari fin'attie appan'offesa.
Deus' ch'est tantu nannu e tantu onu,
Dat su perdonu, e non mirad'a chie
Si leat de sa vida atteru tonu,
Pro esser'riverente cun'Attie.
Maria, Mama, usa elemenzia
E abbraz'ogni cosa rie—rie.
Chi'at donu de intelligenzia
Faghe, l'usen'sol'in custa terra
Pr'usos de pagh'ogn'isperienzia,
Non pro fatales ordignos ' de gherra.
Chi regnet Santa paghe soberana
In mar'in chelu, in badde in serra.
Su dolore, ogni male, zessa e sana
Ogn'inimicizia fren' abbona.
Pro sa Patria nostra italiana,
S' or ' e sa libertade allegra
sona Cant'ogn'abitant'in coro bramada
Appaga, e Tue sas grascias' dona.
Pro chie ti pregad'e ti amada,
E ti gloriat cun festggiamentu
Devota sa tua mensa giamada,
Chi no li manehet perun'alimentu.

EGIDIO MANNU

VIA S. CATERINA 6 MORES