III° .PREMIO DI POESIA DIALETTALE "CITTA' DI OZIERI" 1958
S' ISPERANZIA

S'Isperanzia,nobile virtude
chi sa mama Natura nos ispìrad,
es de s'anima nostra sa salude.

Rìsida risid'issa nos attirad,
cun lusingos,carignos de continu
fina ohi,calchi 'olta,nos regirad!

E n fiancu sou,in su caminu
buju, roccosu e rìbidu 'e sa vida,
cun sas promissas suas, su destinu

pare' mezus - si puru,a s'arrivida,
no sempr'es tale, ma péus ancora
de coment'est istadu a sa partida!-

Mai nos abbandonad. Si,calch'ora,
su bruttu disisperu la custringhed
a nos abbandonare, appena fora

de nois, med'attesu no s'ispinghed:
rèstad in bolu, in altu, rodiendhe,
chi, calchi 'olta, appena si distìnghed

sa lughe, mori mori, succuttendhe
comente faru,in su luntanu portu,
a marineri, solu, naighendhe

in mare tempestosu,a bentu tortu,
gherrendhe cun sns undhas terrorosas,
già finidu de forzas, mesu mortu -.

Sas orns tantu tristas e penosas,
da e candho sos ojos aberimus
salvu pagas biadas e diciosas

pro cantu in custu mundhu trattenimus,
cun issa passan mancu turmentosas,
fina cantu sos sensos mantenimus.

Sa mama, isperad,in onzi momentu,
appena fruttu in sinu ha' zeneradu,
chi lu gita' felice a cumprimentu;

cuddhos ch'hana s'amore cunsagradu
isperan chi lis dure' pro chent'annos,
in un istadu su piùs biadu;

e chie viven cun tantos affannos
tota sa vida,sempre in malasorte,
morin cun s'isperanzia chi mannos

den esser sos recreos, pustis morte,

( SU PELLITA )
Cabidanni, 1958.


III° PREMIO DI POESIA DIALETTALE "CITTA' DI OZIERI" I958

NIONADA DE NADALE

Fì' Nadale. Una serra cugulada
chi ndhe ponia' sa malinconia.
Una frina si pèsad, astraada,
chi 'èlad intro 'ucca sa salis.
Cùrre' sa roba, a sa disisperada,
a chisuras, a tuppas, e imbia
si b'arrunzinad, a puntas de trémula.
Ginju, a cuguddhu postu, in su linnarzu
sa linna intazznd, a sa reminida;
Giaja cùrred e cunza' su puddharzu,
a falditta 'ettada, e artuddhida.
Laèndhesi sa cara, s"attu orzu,
che giumpa' sas orijas.... Aranzida
torra' Giaja a su fogu, tot'a mémula,
e osservendhe s"attu, in su ziddhone,
iscramad: "L'apo nadu.... ch'es nione!"

Sos perfurarzos, in mesu carrera
si pasan, a sa zega, bicculendhe.
Zessa' su 'entu, iscùriga sa sera.
Giaju serra' sa gianna, murmurendhe....
faghe' su fogu mannu, una zippera:
pariad una chea, fumighendhe!
(Fae e costiglia b'haiad a chena).
Sa notte passa' muda. Su manzanu,
candho mi peso, es limpia sa die;
pared unu disertu su pianu:
no bid'àteru, solu chelu e nie.
Su zoccheddhu, sa giàmida luntanu
s'intendhen, assidendhe, e pur'inie.
A onzi part'es sa mattess'iscena:
bèlidas de erveghes e anzones,
mùilos d"ulos, fogos fumigones.

( SU PELLITA )

III° PREMIO DI POESIA DIALETTALE "CiTTA' DI OZIERI" 1958

SU CANE DE "ZIU PERA"

"Tirriò" fì' su cane collaradu
chi "'Ziu Pera " haia' sempr'infattu
tota die; sa notte fi' ligadu
fora,chi rajos pur'haera' fattu!
Ancujadu, artuddhidu, fadigadu:
a su pilu s"idia' su maltrattu.
Candh'apparizzaiad a bustare,
"Tirriò" a un'ala si sezziad,
a oju fiss'e a bae falendhe
chi, de tantu in tantu, si sulziad;
pariad unu pro unu contendhe
cantos mosso a bucca si gighiad,
calchi musca, airadu, addentijendhe;
a cascos, fi' tuccad"e s'isbarrare;
in s'isettu chi calchi pibinida
da e manos l'esserad isfuida !

Ma ite fi' s'istare isett'isetta,
da e su prim'a s'ultim'unu mossu?!
Candho bi fid n su pastu sa petta,
già lintu e lindu li daia' s'ossu;
tandh'a s"attu ponia' sa minetta....
a pilos rizzos in totu su dossu
(mancu s'essera' còscia crabittina!).
Che passaiad, a ròsigu, s'ora,
e si daiad una regaldida;
si lu gighia' da intro a fora,
m'a lu lassare.... mancu pro sa vida!
Si pasaia', bi torrad ancora,
cuddha pòvera béstia famida
si faghia' sas barras in chijna.
E "Ziu Pera": "Mal"e su rajolu....
sicomente no has tant'oriolu!...".
( SU PELLITA )

Cabidanni, 1958.