Ansia d'un paesi poaru,
casi di petri vicini,
sureddi in disisperu,
senza lussu e calcina.
Acciuttulati grigi di stritti
sutt'a un celi chi no ha fini.
Mi dummandu
cos'è chici la 'ita:
disiciu di pani
chi legghju ill'occhj muti
d'omini pusati a lu soli,
aspittendi in bidduti sculuriti
l'unvitu chi veni da la tarra,
preda di cheddi famiti,
cu la so' alba spinta.
O chist'arricà l'ea illa pinta
da la fontana amica
o in brocchi di 'eldi 'ecchju,
mascara a fangu di !'anni,
di femini tristi ornamentu.
Volaria chi fussia tuttu
sonu di campana cuntentu,
unica gala di musiga
dapoi di lu 'esparu.
O po classi chi tuttu
sia illa mustra di fiori rui
chi un balcu bastaldu
faci a lu celi biaittu
pa' vinci un velu di nudda.
Poaru balcu,
chi come noi ha la folza,
cu lu so' focu di sangu
di fiuri comu po,
da una simenza chi lu 'entu
in una petra calputa
ha postu illu campanili
misaru di la ghjescia.