A sa festa, a sa festa!
Esside tott'a for'a divertire.
Chie cheret godire
lasset campagna e domo
e benzat a sa festa
ca su bellu est corno.
Accò sa Cavalcad'enzende lenta:
basgianas e basgianos
passan'a manu tenta;
su cavalieri de sa pius bella
gighet sos pilos canos.
Aiò, aiò, pesadende su dillu!
Ahi durella, durella!
Su pè currende arzillu
appena toccat terra,
s'istesgiat e a s'ateru si serrat.
Ma ch1'est cussu 'ezzu ch'est binchende
s'avur'e sa cuccagna?
Ah! sa tragna, sa tragna.
Benide chi sa zente est già riende.
Como passat sa cursa 'e sos saccos:
accollos, tottu istraccos,
brinchittende che puddas trobeidas.
Abbasciade sas gridas
ch'est passende sa Marna 'e sos dolores,
su cunfortu 'e nois peccadores.

Bestida est de biancu, ma su mantu
azzurru est chei su chelu;
sas alas de un'anghélu
l'asciuttan in sos ojos su piantu.