Informazioni sull'opera
TESTO
BÀLENE MEDA
Bàlene meda
cuddas orijas
ch'ischini iscultare
pro ischiri cumprendere .
Bàlene meda
cuddos pès isculzos
chi in andalas
de ludu e de piuere
lassan trattas galanas
a proe
de milli atteros
pès isculzos
chi be -i dèn passare .
Bàlene meda
cuddas manos baddosas
chi laorana, messana
e arzolan trigu,
pro sos frades insoro
pius poveros
chi non pòdene
laorare e ne messare.
Bàlene meda
cuddas limbas ladinas
chi cun peraulas
dozziles
ammasedan sos violentes.
Bàlene meda
cuddos ojos chi bìdene
meda in su pagu
e in su meda nudda .
SCHEDA DELL'OPERA
Titolo | Bàlene meda |
Sezione | Poesia |
Autore | Giovanni Antonio Dettori |
Nome | |
Anno | 1994 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1994 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |