Informazioni sull'opera
LA SCOLA DI MINNANNU
Cand'erami steddi andaggjami undi
minnannu Petru e minnanna Rusedda .
Aiani una casaredda di petra
undi lu soli, intrendi da una finestredda
indurà li ricami di la tindaredda.
A taldu, candu intrinà,
minnannu Petru, "steddi mei" dicia,
"viniti a intindè li foti chi cuntà
a mamma ostra cand ' era minori".
"Uai, la culciaredda , n'arani gana
d'intindè li fauli toi", suspirà Rusedda,
cun li so mani in chiddi di minnannu
e li lucciconi in l'occj, surridia a noi.
A minnannu piacia videcci attenti,
palchi lu so intentu era
di facci amà la scola
e aè li libri pa cumpagni di sempri.
E dogn'olta, la fola paria noa,
palchi iddu v'aggjunja li memori
d'una scola di fantasia
amata abeddu, candu ancora steddu
culvu a zappà la tarra a mezzadria
lu soli l'agattà appena iscia.
Li so parauli bulani di locu in locu,
pultendi a noi lu focu d'una ita
chi si poara paria, lu splendori aia
di chi vissutu era vistutu d'onestà.
Pubblicazione
"M'ammentu, fiddoli, di Cataliriedda mea candu studià,
e chissa bociaredda mi paria pricà .
E' taldu, senda mea, dicia, anda a ripusà,
e no timi si no t'ammenti li parauli tutti,
figgiula mamma toia candu li chiusoni boca:
la trudda paltusata, l'ea laca falà,
ma la sustanza, fiddola mea, poni menti, è intrea".
Minnannu, li mani toi signati di fatica
sogno di strignì e accarizzà ancora:
chissi mani chi a lu Signori
andati so intricciati in la corona,
eu li icu accarizzà tanti libri canti
so stati in tarra l'ori di lu to zappà.
| Titolo | La scola di minnannu |
| Sezione | Poesia |
| Autore | Anna Maria Mura |
| Nome | |
| Anno | 1991 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1991 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |