Informazioni sull'opera
PIU' A CHIDDH'AIA NO ANDU...
Abali abbracciu illi pétri lu soli
chi fiori pari natu in calpitura
e millu tengu guasi a contu méu;
tuttu lu me' timori, in culol di tristura,
cuatu è in ricchesa
e suaitài d'ammentu .
In chisti rocchi a vesparu di céli
torrani a sonnu boli cunnisciuti
e li coi di l'abbi e lu cuntentu
signati so' illi ribbi
cu un'alba ch 'è ghjà mascara di foti.
Poi basta un pientu a mutà l'oru in ea ,
paldendi luci l'occhj suliani
di monti gali a femini di locu,
pa' un dulori d'allonga, scunnisciutu .
Ma éu m'allégru cu la risa in salti
chi di spiranza intriccia la me' séra
e in splandori d' albata
radici siminigghju a suiddhati
illa campagna sciolta
di 'ita a puppusoni
pa' glorii abali e sempri sunniati
chena briddha nisciuna di cumandu.
Più a chiddh'ala no andu ... A signu di la luna.
| Titolo | Più a chidd'ala no andu... |
| Sezione | Poesia |
| Autore | Piero Canu |
| Nome | |
| Anno | 1990 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1990 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |