VIDA


Làcana
a podiat esser làcana
bìnnida e lija
unu mossu de vida
dissipada
maseda
pius de trettos de sa pinna
pius de séberu 'e paraulas.
Ma daghi est màrture
pro unu suffissu -ite
sa vida brujat intro
puntzuruda
e crispa
iscussertu 'e lapis bàdulu
una 'oza limbi-pica.

Ùltzera
a podiat esser Ùltzera
bìsida e istriscia
istrijidur'e vida
istoccada
àbrina
pius 'e murones
businatos
pius de irrocos e frastimos.
Ma in contivizu
'e globulalvos
sa vida pesat intro
tunda e bischida
corriata punta 'e attalzu
disgana chi poetat.







Cristiano Becciu
Nato il 01/09 1974
Residente ad Ozieri
in Via La Marmora
40
Tel. 340/085.79.09