UTIERI
In d'un anfiteatru naturale
sos babbos tuos t'ha fraigada
Utieri, zittade geniale.

Ses da' zent'operosa populada
sempre piena 'e nobile reziru
siat in bona o puru in mal'annada.

Ti giaman sa zittade 'e su buttiru,
c'has riccu e fiorente pastoriu
cun seberas robas, un ammiru.

Massajos has de leoninu briu
chi trabaglian sa terra cun amore
da sant'aini a su coro e s'istiu,

e cand'incunzan, cottos de suore
ma euntentos in anina e in coro
in sinu tou han pasu e bonumore.

In te reina bella 'e logudoro,
naschen sas sardas dulches melodias
chi sun recreu 'e s'anima e tesoro.

Mastros has tentu 'e raras poesias
e improvisadores de talentu
cantende sas umanas movittias.

C ' has de sanos costumenes s'ammentu,
santificas sas festas sardamente
comente sardu est ogni tou intentu.

E ammirada, dogn'amiga zente,
de ti render visita faghet mediu
biden in te su passadu vivente

cun sa festa mazore 'e su Remediu.


Givannantoni Cossu