Informazioni sull'opera

TESTO


UNU SERO IN LYON

Cando in su coro s'ammudat onzi pessamentu e totu est mudesa in cuss'angrone
de s'aposentu minoreddu
petzi dae sos bridos
in pessu belados daes sas tendinas
chi lis
pendent lepias a in antis
t'abizas ecante
chi su lucore de sa die est benende mancu.
Tando ti podes godire un tretu 'e pache
de cussa serenidade chi ti benit dae sas bassuras
de s'anima chieta.
Ti nch'istas in s'otomana
isterricorjiadu
codomu
leghendeti una regorta de
poesias de Baudelaire e bides s'intrighinada chi s'est populende de pupas
de friguras chi
essint dae sas pazinas de su liberu; chi sa mente tua s'imbentat
ponende fatu a su ritimu
de sos versos
lentas
loricadas
a biabolicas
disizosas
apentadas comente sas mazines
pintadas dae sos versos.
Non ti tremet mermu
incurbiadu supra s'istufedda a eletricu
chi ti caentat in pessu
sa carena
in su fritu de cussa soledade. Petzi sa manu fachet unu zestru amandronadu e
nche picat su restu de galletas
chi ti fìant restadas supra sa mesichedda; las ponet in
buca a una a una
chene bi dare cara
e tue
disabudu
las masticas a tracheddu
sichinde
su filu de sos versos e ponende fatu a s'intonadura issoro
comente chi issos t'apent
furadu s'anima.
Petzi cando ziras sos fozos t'abizas chi arribant sos intumbos de sa bidda chi s'est
moghende in bassu
ca tue la dominas dae su nidu tuo de astore
postu in s'artura de su
de ses pianos
de unu dominariu anticu. No ala 'e bentu
non s'indentendet ispisu; peri
cussos tumbos
chi artziant dae carrela
si perdent in sa mudesa 'e s'aposentu e s'isvellia

tostorruda
s'ustinat a sinzare unu tempus chi non b'est.
Tue ses in goi e addei currillende bisiones de chimeras; ses leghende e non
t'abizas ite. S'anima est firma ube fiat sa prima mazine de su primu versu e cambiat ebia
comente cambias poesia o cando unu bisu prus potente ti nch'isbojat dae su bisu de in


antis e t'imbriacat a nobu cun mazines nobas. Bisos bacos* de amore e de godimentu ti
procurant unu piachere chi sentis in pessu in pessu
comente sos primos sinzales de
un'umbriaghera
comente unu basu lepiu lepiu in labras
unu disizu de amore e de luche

comente una coghera de totu e de nudda
chi ti trazat in d un'estasi chene sensu perunu.
Cando ziras sos fozos
pesas ecante sa mirada
ma sos ocros tuos non bident su
chi b'at a furriu
punnant a aterube. Sa mente tua no at pessos; disabuda
circat mazine e
pessamentos interi sas rigas de su liberu. Si los aperis
cun d unu azicu de isforzu
si
torras unu mamentu a esser bibu
in sa pupia anneulada abirguas sos trastos a
s'iscumpari e torra
imbolicados in d unu belu chi los trasformat e los colorat.
Los as in corpus
in sa mente
in s'animu cussos trastos e cada angrone de s'aposentu
bòdiu e solu
e cussos trastos los tenes a mente e in issos nche bides a tibe
bi ses tue
ca
ses tue.
Si percasu unu pessamentu ti torrat a friare in mente
ti paret chi cussas cosas las
istimes meda
meda 'e prus de semper e ses felitze de abitare in cussu aposenteddu
che
in domo 'e re
minore e simple comente s'anima tua de omiine chene pretesas mannas.
Su pessamentu fachet derettu s'arressada; non cheret andare a in antis
non cheret
torrare a sa bida 'e cada die
at paguria
fortzis: s'est ammandronadu in totu
fortzis. Pro
ite non si podet campare petzi in bisos? Ma si carchi borta e pro pacu tretu nessi est
possibile
a ite a trubulare cussa lampizada 'e pache? Non diat esser mezus a dormire e
campare petzi in bisos?
Lassas chi siat su tempus a tenner cura de sas cosas; lassas chi totu andet
comente cheret andare e istas a bider
pessende in frassu
chi ti bastet petzi su badiare.
Cussu rujore allutu de s'istufedda
belle e belle t'incantat e tue torras a su leghinzu
imberghendeti pachiosu e chietu in cussu intritzimentu de simbulos e de friguras
int''e
sos cales sos sentidos s'immanniant e si prurificant; ube totu diventat ispiritu
chi tue
ingurtis comente sa terra
sidida
si sutzat fintzas a s'urtima gùtia de aba.


E in cussu mundu reale e fantasiosu ti pasches de cuntentesa limpia e cada mala pessada
nde benit mantesa fora.
Cussas mazines torrant a bibos sentidos e passiones dormidos; su coro ti s'ufrat e
tremet e s'apachiat e ridet e totu sa bida tua
cussa c'as coladu
cussa chi no as mai fatu

diventat biba e l'intendes in su presente
che i un'unda manna manna
chi
ispinghendeti a
galla
ti cherjat
in su matessi mamentu
afocare. A pustis su coro s'aperit a sa cuntentesa
muda e in sas labras
che perras de barracoco maduru
unu risitu
chi in pessu si bidet
si
firmat un' iscutichedda
su tantu chi durat s'incantu de s'urtima pantuma
chi su versu t'at
mustradu. In cussas rigas
in cussos versos
chi petzi in sa mente ti sonant
intendes sa
tréghida de sa bida.
Disamparadu
lassadu andare
t'abandonas a sa musicalidade de sos versos e cun
issos ti lassat illepiare da una sinfonia de Bach
chi eris
chi oje intendes in sa radio.
La conosches sa poesia de sa minutalla e l'ischis acatare peri in sa cosas de
gabale e la chircas peri interi unu versu e s'ateru; sa paragulas non sunt inutiles mai
mai
ogales
e sa paragula apentu at milli sinnados si milli bortas l'imbenis.
S'umbra in s'aposentu est como iscuricore; su legher t'est a petorru
ma non cheres
ismiter; dias cherrer abarrare in cuss'istadu de s'animu chi tempus no at.
Imbaras su liberu e torrat a bida sa cussentzia. Ti pesas ritzu e faches passos. Ti
paret de aer dormidu
de aer perdidu onzi arrastu de su tempus
de su mundu; mirande
s'isvellia in sa mesichedda
issa chi no at bisadu
t'abizas chi s'ora est colada; t'amentas
chi as de essire
de andare a zobiare sos cumpanzos
de ispitzare sas fainas de cada die.
No ischis si ses istracu o pasadu; fortzis ti rechedet ebia azicu de moghimentu.
Atzinnas
amandronidu
zestros de zinnastica pro t'abibare sa carena
torrande a ponner
su sambene in motu; ti paret chi peri issu si siet pasadu
in su mentras chi tue leghias.
T'acurzias a sa bentana e
iscostiande ecante sas tendinas
badias a fora: sas
copertas si current una in fatu de s'atera
isterrendesi fintzas a s'orizonte innedda
piatu



chi non si sichit mai.Ti nch'istas un'iscuta pompiande; a pustis
lassende chi sas tendinas
rugant a su natrurale
ti pompias a furriu a furriu. T'abizas chi ses torrande a bibu in totu.
Faches mente de su tempus coladu pacu in antis pro si securare si as bisadu
sende
ch'ischis chi non t'est bennida mai mancu sa cussentzia
ca peri cussos mamentos sunt
parte de sa bida tua.
Su fritu de s'aposentu t'intrat in ossos
ma tue nche moris s'istufedda
Ti bestis su
gabbanu e ti nch'essis.
Sa bida 'e sa tzitade t'ingullit in sa prena sua e tue ischis e cheres de biver gai.


Mario Sanna
P.za Dettori 4
Nùgoro

Iscritu in

Lyon - France - su 1958

SCHEDA DELL'OPERA
TitoloUNU SERO IN LYON
Sezione
AutoreMario Sanna
NomeC20060017
Anno2006 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2006 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo