UNU LABIRINTO

In d'unu labirintu intrapulada
Senza mancu mi bes' essere atrivida
Chenz' ischire comente so arrivada
E pruite ? Bi so impresonada
No m'ammento dae ue so intrada
E cal' ala ded' essere sa essida
In custu tortuosu labirintu
No isco cale forza mad' ispintu .

Senza mutivu goi impresonada
Passo dies e oras affligida
Sighende su caminu de sa vida
Chi su destinu assegnadu m'hada
Happo sa libertade ismentigada
Chi issa dae manos mes fuida
E sas forzas arcanas man' ispintu
Intrapulada in custu labirintu .

Ma non m'arrendo prosigo a chircare
Magari affannada e affligida
Cun totta forza de coraggiu estida
Cumbatto senza mai m'istraccare
Cha so dezisa de acquistare
Sa libertade chi happo perdida
Cun su curraggiu meu custu fatto
Finzas chi sa essida no agato .

Una olta chi ponzo su pè fora
Mi sezo a reposare a campo abertu
E iscultende cantende in cunzertu
Sos' usignolos cun boghe canora
Preghende custa forza protettora
Pro su vantaggiu ch'ha mie ad' offertu
Grazie a issa sa serenidade
Happ' agatadu e sa libertade .

Fora dae s'ambiente tenebrosu
Ispero che incontrare de a beru
Custu passionale amore veru
Chi mi de vida
coraggiu e riposu
Fatendemi viver de ogni gosu
Senza n'de fagher perunu misteru
E finire sa vida senza inciampu
Che i sa primavera campu
campu .



Calzaghe Vittoria
Via Grazia Deledda
1
07030 LAERRU ( SS )
TEL. 0795709015