Informazioni sull'opera
UNU FIORE FRUNDIADU
S'umbra
non lasseit imprenta
in d'una notte
casca 'e mudesa
cando
a sa cua
una mama chena tinu
lasseit intro
de un'isterzu de arga
un'imboligheddu inue
bi cotlochesit
su fruttu 'e sas intragnas
apidu a furadura
in momentos
chi sos sensos
fin fora 'e sestu
e chi a pustis
revudesit
chen'aere dolu
de l'apporrer sa titta.
Nd'esseit
in su coro'e sa notte
unu debile piantu
chi noghesit orijas
dae cussu
jogulu indignu
postu
a un'ala 'e s'istrada
da' inùe
una manu piedosa
nde lu 'oghesit
prò li dare
un'ateru accumòdu.
Fit arida s'anima
si cun disdignu
frundiesit unu fiore
azìgu ispuntadu;
fit crudele su coro
chi neghesit
e offendesit
sa sacralidade de sa vida.
Portas Mario
nato a Monteleone Roccadoria 30.04.1927
residente in Vai G. Deledda
1
07030 Tergu (SS)
079.476049
| Titolo | UNU FIORE FRUNDIADU |
| Sezione | |
| Autore | Mario Portas |
| Nome | B20060060 |
| Anno | 2006 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2006 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |