TUMORE! TERRIBILE SENTENZIA

Tumore! Terribile sentenzia

chi cun dolu
pronunziat su Primariu

cunfortende sa mia sufferenzia.

Flagellu
Via Crucis
calvariu...
A mie ne profeta ne Messia

ite passad'in s'immaginariu?

De turmentos
un'enciclopedia

cun quesitos de accademia greca.
Chirco cunfortu in sa filosofia...

Cun frizz'in coro
a sa biblioteca

fattu bi àpo su caminu a ludu

che Maometo e Alì a sa Mecca.

Da s'Iscenzia ennid'est s'aggiudu.
Meighinas da mercuris a martis

m'àn torradu su perdidu saludu.

Si a su corpus
s'anima e De Martis

no l'àt cunzessu de li dar'adiu

meritu a su Glivec e Novartis. (1)

Zertu: "pro esser mortu mezus biu!"
Fras'e lapide chi est'assioma

in Tokio
in Londra in Zerfaliu.

Isturridu no est su "carcinoma!"
S'ischis ch'in venas àt fissa dimora

tremes
ca ses a prob'a intrar'in coma.

Deo testardu
viver bramo ancora...
Non cherzo morrer prim'e sos noranta!
Giaghi cunvintu so chi
a cuss'ora


s'Iscenzia noa
ispirada e santa

proclamat s'increibile iscoberta:
Ch 'est immortale s'umana pianta!

E ca sò iscampadu a morte zerta

mi cherzo testimonz'e cuss'eventu...
ch'ad a lassar'a tot'a buccaberta.

Assora deo a bruncu e Gennargentu

a pè a pè
cun passu de pizzinnu

pigo e canto
cun animu cuntentu

pro s'Iscenzia meiga un'Innu...


(1): Medicina e casa che la produce

Frantziscu De Martis
Ossi - 17/12/1928 -
Sassari Via Budapest
12
Tel. 079/219803