Informazioni sull'opera

TESTO


Tue pedis amore...
(Cantone noa)

Tue pedis amore in s'oru 'e gianna
de s'anima mia in pelea manna

passentziosu pianu pianu tzocchende
su tempus netzessariu a m'ischidare...

Frionzu e bambu
po contu meu vivende

chervu e a su nudda currende fattu

sa vida a Tie non cheria dare.
Volastigu e ojanu
boidu
attattu
de umbras faltzas de su mundu vanu

dae domo
loccu
mi che fia andadu
semper pius attesu
cane rundanu...
Perdidu fia... ma Tue m'as chircadu:
Amigu!
propiu gai Tue m'as giamadu...
Paraulas m'as in coro remunidu

chi sun de vida
veridade e via.
Nudu e lanzu a domo so recuidu

cansu e sonnidu
ma fora 'e majia.

Su coro 'e pedra giambami
Segnore!
S'abbratzu 'e su perdonu dona a mie
e aissegus a Tie 'enza cun ardore;
e non pense potente s'ala mia
pro bolare in altu sentza a Tie
binchende s'egoismu e s'uffania:
s'amicitzia cun Tegus non est bera
si paris non est forte e sintzera
cun sos omines tottu chi umpare
amus retzidu su donu 'e sa Terra
po la manizare e l'amparare

vivende in paghe e revudende gherra

frades chi semus
fizzos de s'Amore!

Donzi die Ti cherzo abbojare
visitende a... fulanu
'ighinu meu

malaidu e solu
custrintu a su lettu

pro li dare cunfortu e illongare
un'arrejonada chene apprettu

chi 'alet pius de su mundu intreu.

Non Ti torre in timore servile
s'amore chi mi pedis in giannile.
Mira
abberzo sa gianna cun fiamore:
intra in domo Tua e resta
Segnore!

SCHEDA DELL'OPERA
TitoloTUE PEDIS AMORE... (CANTONE NOA)
Sezione
AutoreBenito Saba
NomeB20040087
Anno2004 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2004 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo