TRAMONTU

Una lughe indeorada
hat azzesu s'occidente,
cando su sole a ponente
ch'hat fattu sa cabulada.

Riccu solelastru galante,
signore de sas isferas
chi percurrin sas aeras
cun motu sempre costante,
subra su mare sonante
calmu ti ch'ido falende.
Eo inoghe mirende
so s'incantu chi n'offeris
e oe comente deris...
sa die mi chest passada.

Subra sas undas in motu
ses brillante,nori-mori.
Cumandadas da-e Dori
sas Ninfas ti cantan totu
unu cantigu devotu,
un'innu solu pro te:
movende lestras su pé,
in giru tundu dispostas,
sun ballende currispostas
da una cetra incantada.

Sa morte tua apparente
est in zona occidentale,
pro ch'in curada orientale
cumparis torra lughante.
Manzanu torr'attraente
t 'isettan sos ojos mio,
t'isettan cuddos chi rios
de lagrimas han versadu,
cunfidende in bon'istadu
lis benzat sorte giambada.


Unu tramontu serenu,
de calchi lagrima infustu,
meritat s'omine giustu
cand'affannadu hat s'alenu,
dende s'adiu a s'nmenu
mundu chi l'hat generadu.
Est biadu,est fortunadu
chie cunvintu in cuss'ora
crét in s'Etern'Aurora
chest de Fide illuminada.

Una lughe indeorada
hat azzesu s'occidente,
cando su sole a ponente
fattu sa cabulada.

Alghero,li 22 Agosto 1957 Forico PITZOLU
de Bolotana

Maresc.Magg.CC.

Forico PITZOLU
in licenza a
Via S.Bonaventura n°II
NULVI
(SS.)