TOTTU SU SENSU


Chelu e Terra sunt sos oros
sa lacana mascarada de s'Ojàda
chi cando si pessat presonera in d'unu cheyveddu
cumprendet chi su cumparrere
est solu s'alenu de un annada...

E chie at a poder dimustrare
sa rejòne chi fundat su mundu
e faghet bella s'andanta
de sos pessamentos chi si mossigant sa coa
subra sos numeros primos de s'ordine e de su càos?

Pruite semus inchietos e atzesos dae sas dólimas
tra s incùdine e su maltzeddu arrodende
sa limba e sa risolza de soffesa intra 'e su coro?

Diamus cherrer'essere a cuddae de onz'isettu
truncare tottu sas cadenas
pro 'olare lébios subra sas miserias
suzzende dae sas venas.

Ma sa briga cun nois matessi nos trattenet
e sas lagrimas chi chircant de pienare
sos abissos de sas sirenas...

Su disidzu incarnadu de sa vida
sighit su filu de sa sorte e de sarrejonamentu
pro nos'ighere fora dae sa grutta
e cun sos ójos de su pessamentu bidere abbertu
comente su fiore pius bellu
tottu su sensu.




Pintore Salvatore nato a Oliena (NU)
il 4 Giugno 1949 residente a Sassari s.v. Montale
18
tel.079-269214 cell. 330430639
e-mail: Questo indirizzo email è protetto dagli spambots. È necessario abilitare JavaScript per vederlo.