TEMPUS DISIZZADU

Tempus vividu cando ancora
idio s'orizzonte cantu curriada sa vista.
Tando fio minore; ite bellu!
Un incantu chi sa natura nos giughiada in bolu ogni momentu
dae su manzanu
chitto finzas a notte
idende sos astros de su chelu chi brillaiana
che chigulas
intendende puddoso cantende pro nd'ischidare sa idda
ancora drommida.
Sa luna andendesiche
accumpagnaiada sos trabagliadores peri sas pittiraccas.
Su rispettu fidi su primu cumandamentu. Sos fizzos pro sos babbos
sos
babbos pro sos nonnos
tottu aggiuendenos pari pari.
S'aria fidi ona e su rerspiru sanu.
Sos cumandos los faghimis su matessi programmende e fattende dissinzos pro s'in-
crasa. Sa notte fidi longa ma
ogni tantu no nde pesaimisi pro bisonzu
nostru. In sa domo non b'haiada bovidas ma cobelturas a incannitados ue s'abba
falaiada in d'ogni biccu che chiliru e canistreddu.
In sa ziminea
pagos roccos istudados pro s'incrasa
ma su brascieri an-
cora azzesu fidi carralzadu dae sa chescina pro non s'istudare. B'haiada frittu
tando! Sas carralzaduras fidi de cappottoso militares avanzados dae sa gherra e
accaparrados dae sos mannos.
Vivimis gai intro e domo; in poveltade ma cuntentos.
Cando sos mannos andaiana a trabagliare senza fagher die
noi puru cominzaimisi
sa zoronadedda utile pro ogni bisonzu. Sos cumandos chi mama nos daiada
fini divisos pro edade e distintoso tra frades e sorrese. A iscola andaimis a un
attera idda a pè
tottu umpare pro nos faghere cumpagnia. Senza zainetto e cun
d'unu grembiulinu
isculzos peri s'istradone cun pedras e pedrighinas pro nos
iscuccurare sos poddighes.
Peri sas campagnas nos frimmaimisi occhende cun su tiralasticu calchi ti-
lighesta chi si fidi assoliende o
pissighende leperese chi no besciana ass'im-
provvisu dae sutta sos pese.
Torraimis a domo istraccoso non dae s'iscola ma dae s'iscurrizzu peri sas
istulasa fioridasa.
A s'ora de ustare tottu in domo. Si mandigaiada senza pretesa su chi mama
nos daiada: unu bicculu de pane cun casu o cun chebudda e
a boltasa calchi ou a
tostu.
Sa die fidi ancora manna.Tevimisi carrare s'abba pro no samunare e buffare;
sas broccas e brocchittas fini in fila boidas pro essere pienadasa dae sa funtana.
Sos cumandos fini parizzoso e cheriana fattos tottu senza murrunzare.
Faghimis sos compitos pro s'incrasa istudiende; nos preparaimisi pro andare a
Chescia pro su Rosariu.
Tando fimis liberos.
Escimisi peri sas carrelas chilchende cumpagnoso seberadoso dae nois

sempre sos matessisi pro "garanzia".
Giogoso belloso
onestoso comente los fini babbos nostroso chi andaimisi a
los attoppare a s'escida de sa idda cando torraiana dae trabagliu
accumpagnendechelos
festantese a domo e lassendelos soloso cun sa muzzerese.
Nois torraimisi a giogare.

Sas puddas peri sas carrelas rientraina tot tu a sa mattess'ora a domo
insoro senza isbagliare numeru.
Fidi bellu tando! Cando hana a torrare cussos temposo?
In beranu cando sas istulas cambiana colore fidi un incantu. Pissighimis peldiscias

cuagliasa
merulas e coniglioso. Intro e sas tancas isterrimisi su sede in s'alzola.
Sa fae e su pisella bi fidi a isterrida e oju. Fidi s'incunza!
Unu faghere continuu: messadorese
ispigadorese apporrende abba frisca a sos
mannoso; triulende e bentulende cando arriviada su entu.
Caddoso e ainos pro carrare. B'haiada cantigos tottue.
Allegria pro tottu carralzende oriolos e fastizzoso.
Ogni prammu e terra fidi contivizzadu; tottu pro sa campagna e issa nos pienaia-
da sa domo.
Beniada sa innenna.Attera festa manna. Cubas e carradellos isciucchendelos
peri sas carrelas
cattighende ua in sos laccoso
iscaluzzende
furende pira e mela.
Cando intendimisi tronende
aispettaimisi s'abba che a Deusu. Si umpiana sos
istelzos chi ponimisi sutta sas teulas ue s'abba falaiada pura e cristallina.
Buffaimisi dae terra in sas laccheddasa chi lassaiana sos boese de passazzu. Fidi sana
cudd'abba! Si podiada arribbare
cughinare
samunare pannoso chi a su primi sole
tesoso subra sas chesurasa de ispina santa diventaiana biancoso che nie.
Arrivaiada issu puru cun sos frittoso de s'ierru. E
tando tottu intro e domo
comente s'annu passadu azzendende dae bella nou sa ziminea. Arriviada Nadale.
In d'ogni familia s'aispettaiada cussa die no pro sa festa ma
occhiana sos
polcoso pro faghere sa provista de tottu s'annu.
Pro nois piseddoso fidi sempre festa.
Como chi sunu passadoso medas annos cuddos momentos sunu sempre belloso e
fadadoso.
Haimisi paga cosa ma
sa memoria pro raccontare este ancora intrea.
Cantu este bella sa vida vivida cun ingenuidade e onestade. Non b'hada inari pro
pagare a bidere su sole ispuntende
sa luna
sas istellasa in firmamentu in
custu mundu bellu e non traittore
assaboriare sos gustoso campagnoloso
intendere
cantigos lebios e calurosos
semplices e isolanoso
rispondere a unu saludu basare
una criadura innozzante.
Visitare unu malaidu chi dae su lettu non poder bidere piusu s'incantu generosu
de sa vi da.
Tempusu passadu: proite ti che sese andadu?