Tempus colovru.


Son 'interrados..
sor mementos
de gabbale

e s'olia frorit
sutta sa notte niedda
sor disizos...
chi andan 'isticchindesi
a perdimentu
sutta s'arcu umbrosu
'e sa notte 'e sos tempos.

Son 'interrados...
sas paraulas adornadas
'ue su sale saliat sos cussizos
mantenende intrea
sa paraula 'es'antigu.

Son 'interradas...
sas fides...
e zega èst sa lughe 'e s'anima
chircande apiliadorzu
sutta una rughe
'e plastica isconnotta
chi at'a tonare a terra prudicada.

Son interradas...
amistades...
sutta miliares anneulosos
de lacanas de entu

e dae sar muristenes assoladas
ridet alligru trozicandesi
su colovru 'e su tempus.

Son interrados...
sos lamentos de sor bisavios

in andalas de lunas
'ue sa lughe fassa 'e sos computer
memorizat mori mori

s'urtima lacrima 'e sa terra.