SUPARCU 'E GENNARGENTU
(A SU TEMPUS DE SU MINISTRU RONCHI - 1997)

Ronchi cheret fagher in Gennargentu
unu parcu senza sardos e senz'anzones;
Sa prima ispesa pro coronamentu
sistemare silbones e muflones.

Pro pastores nessunu pensamentu

forsis no amat sa professione

no ischit ca su monte senza armentu
faghet crescher s'orruo a muntone.

Gente cunvinta d'essere civile
pro no lassare logu a su pastore
pensat de rotamare su cuile.

Cando s'industria istuda su motore
current disocupados a s'impuddile.
Su monte donat pane e laore.

Unu parcu dae Roma propostu
no hat haer fortuna in custa terra

Sos montanaros nde perdent su postu
e torramus a esser sempre in gherra.
Cherimus unu parcu in cust'altura
rispetando usanzas e cultura.