Informazioni sull'opera

TESTO


" SU VANAGRORIOSU "


Po si prettendi sempiri dd'obbidid
S'idea ca su presumi pagu còstada
E cantu prus presumid prusu ammòstada
A tottucantus su chi non possidid.

Murrungiosu


A S'ABI

De su casiddu tantu promurosa
Ti biu in di de basca e de friscura
A su mongianu bessedu festosa
A zig zag a s'immensa campura.

E candu primavera vigorosa
e i sa terra de bellura
Ammantad cun virtúdi generosa,
Tui de tantis froris sa dulciura

Nd'arregòllis e torras carriàda
Aund'est sa tua cara cumpangia.
Aintru 'e su casiddu affattigàda,
Traballendu cun vera simmetria.

E cant'arti e sistemas de sa vida
Insegnas a s' intèra umanidàdi:
Obbediri a un' unica guida...,
Fraternu amori cun umilidadi.

Previdenzia,costanzia e gelosia
Ndi tenis,cantu bona e virtuosa
Sesi,e de chin' had tenti timoria
'E su traballu sempir'odiosa

Ti mostras e chirchendu 'e ddu distrui
Ddi donas sa tremenda lezioni...
Passienzia: ca sola non ses tui
Traballendu po bivi su mandroni !

(Murrungiosu)


A SU PIPPIU POBURU

Si, prefumu non mandat su barzolu
Aundi ti riposas pagu o meda
E su coscinu duru che sa preda
Portas, e tot t'accòngius su lenzòlu,

Bregungia no ndi tengas mancu dolu.
E si non bistis cun pannus de soda,
Pensa,chin s'urna contraria, sa schedas
Non dd'èttad sa fortuna a tui solu.

Sa. sorti dda bis sempiri girendu,
Non usad in su mundu a si firmai:
A nisciunus de nosu iss'est circhendu.

Si bramas cun amori ' e t'abbrazzai
Bivi sempir'onestu e virtuosu
Ch'est sa ricchesa.chí non. fallid mai.

SCHEDA DELL'OPERA
TitoloSu vanagroriosu- A s'abi- A su pippiu poburu
Sezione
AutoreMurrungiosu PSEUD
Nome1960-13
Anno1960 
Argomento 
Descrizione
Lingua 
EditorePremio Ozieri
ContributoreTecnoservice s.r.l.
Tipo 
Formato 
FontePremio Ozieri
RelazioneConcorso Premio Ozieri 1960 
CoperturaLogudoro, Sardegna Italia
DirittiComune Ozieri, Premio Ozieri
Analisi del Testo