SU SOLE EST DE TOTU

Cando su sole
sa luna murrunzat
pro unu pagu 'e lughe irradiada
narzende in giru chi bi l'hat furada

gai
sa veridade l'abbaunzat.

Pro intramesu
sa terra l'abbrunzat
e la trattenet da' issu cuada
e
in su mentres chi lughe no hada
finzas a sa 'oltada la deunzat.

Mancu Bembo
Augurello e Petrarca
a niunu hana mai murrunzadu
ca funi totu 'e sa mantessi marca.

e-i su sole
chi este un'astru
non creo chi si siat olvidadu
chi b'hat sempre un'ischente e unu mastru:

E-i s'ischente chi da' su mastru imparat

calchi cosa de issu nde l'imbarat.