(a sa Idda nadia)

E cando sas aeras tuas caras
hap'a torrare a bider dae nou?
Nara, patria mia, a cand' imbaras
giamare custu fizu in sinu tou?

Inoghe sa bellesa 'e su eranu
no esistít cantigu 'e puzones:
s'intendet, solamete, fittianu
nusicas de mitraglias, e cannones.

De s'istria su cantigu affannosu
calchil notte s'intendet in sas rundes,
chi paret narrer'cantu est dolorosu
a morrer soldadeddu in pumas brundas

De atteros puzones, mandu appena
che nd'appo'idu,ne intesu ancora
cun sa solita insoro cantilena
saludende 'a sa die s'aurora.

Tott'est disgrascias, tott'est'ispaventu:
ispezzones; fusiles mitraglias,
vidas dogni die a chentu a chentu
mi lean da in sas battaglias.

Da-e sas batterias
arrivan sos proiettiles cantende;
custos ch'abbundan chei sas formigas
subr'a chie aggiutoriu est giamende.

Finas pro si salvare iscampu
ch'hat cando n'inimigu in altu passat,
prite s'abbasciat che fruzidu lampu
e pedra subr'a pedra no che lassat

Poi, si avanzamus calchi azigu
in baddes, campos,o costas marinas
ue fit annidadu s'inimigu
tott'agattanus semenadu a minas.

Passende, ue sas minas sutta terra
bi sunu'a sa movida 'e su passu
b'hat de Inferru un'atter'una'gherra
fattende de istrazios fragassu.

Insomma, dae altu e dae fundu
sun'alluttas de lampos attalzados,
bessend'in gíru c e nerzende:" A su mundu
dade s'adiu poveros soldados!"

Patria tia cara, bella e bona,
diffizil'est chi t'ida attera ia,
pro mi fagher simpatica corona
cuddos affettos de sa zente mia

Ah!cantas boltasmamma nadu m'hada:
Deus ti aldet de abba e de fogu"
Ah si das su chelu mirada mirada
mi daiat s'iscura in custu logu,

forsis mi ù iat narrer:Fizu meu
ses cun megus fra pagu a culz'a Deu!"

Bainzu Truddaiu:
Perfugas