Su sennoriccu.


De quarta e de quinta elementare
tengu ancora sa classi presenti

amesturaus mascus e feminas
ci fiad unu certu Gigineddu sennoriccu
fillu de su dottori de bidda mia.
Mancai non fessad bravu studiendi
femustu tottus fradis e sorris

issu narada candu seu mannu
diventu dottori che babbu miu e
deu puru poberu de mei

dattu ca babbu fiad scalpellinu
naramu imparu su mistieri sù.
Funti passaus cinquant'annus
senza de dai bistu prusu

una dì fia ricoverau in zu spidali
cun za silicosi su settanta po centu
candu unu mengianu
passad su primariu

e mi narad ca apu sbagliau mistieri.
Ligendi sa targhetta chi portada
apiccada in zu camici

apu ligiu dottor Luigi H.
Issu de mei mancu su nomini
s'esti arregordau
cantu apu sunfriu.
Unu diciu Sardu narad
truncu de figu astula de figu.