SU PECCADORE

Unu chi girat sas palas a Deu
S'anima de peccados si la imbruttada,
Sa vida de onestu rifiutada,
Forsi certu de aer pius recreu.

Ma geo so cunvintu,a parrer meu,
Fina s s'aba in su riu si li asciuttada
Ei su malu fagher no l'aiutada,
Anzi,si t'idet in cara ch'est reu.

Tando forsi a bezzu sinde imputada
Ch'hat leadu in sa vida bruttu impreu,
E calchi pagu sas ideas mutada.

Sos rimursos li dana grande anneu,
Che fogu ch'est alluttu e non s'istutada
Finas chi lu cunsumit tottu intreu.

Tand'a su peccadore si tramutada
Sa pena pius orrenda,ch'est ispreu
A istar' in s'inferru: logu feu
Ue ogni peccadu penas fruttada

Ed est pro un eternu chi sucuttada
Lagrimas, dannadu cale ateu;
Senz'aer mai un'ora de sulleu,
Da una pena s'attera si buttada;

Invece in chelu han dogni giubileu,
Pro malumore nescinu s'ammutada
In cue son felices tottu a reu.

Si custu dae prima lu valutada,
Su peccadore morit senza neu
E in chelu chin anghelos disputada.

Motto
(S'astore )


SARDIGNA

Sardigna, mi ses cara
Ca in te su naschidu,
E ne connosco
Bonidad'e malesa
Do ne poder descrier calchi accennu.

Terra ses tue a dogni entu esposta
sos rigidos ierros,
Dapoi sas sicagnas
Dannifican sos campos coltivados;

A sas tantas traschias,
A su forte intemperiu
Resistit su modeju,
Sa murta, su lidone,s'aliderru.

Sos tuos abitantes,
Chai sa terr'asciuttos,
Nd'istraen sos produttos
Cun fadigas.

Sun bascios de istatura,
Sun brunos de aspettu,
Tales a sa natura' 'e sa terra.

Perb, est terra, mama
De fizos de alta fama
Ch'han toccad ' in onore sas istellas

Terra de un'istoria lontana,
Chi non ricordat mancu s'iscrittura,
Cando fin'abitados sos runaghes
Chin sas donos de janas.

torra de poesia e de poetas,
Chi faghet piaghere a l'abitare
Pro ne poder cun sensu cuntemplare
Sa vida ' e sos pastores,
Sos cantados amores,
Sa costumanza, s'usu, su limbazzu,
S'operar'é sos sardos tottugantu

Motto
(S'astore)


SU RICATTU

De Pietrinu Crasta su ricattu
A d'ogni dardu onestu hat post'in pena
Ca sa tragica iscena
hat conturbadu s'animu serenu.

Esistit meda zente
Chi non hana rimursu
Ne umbra' e peccadui1n sa cussenzia

E a custos riparu
B'apat senza clemenzia,
Torrand'a tempos nostros
D'Hammurabi sa legg' e su taglione.

Custa zente maligna
S'allarganu dominiu s
Ricattende persones,
Rapinende e furende,
Pro sos dannificados est guai.


Mort'hana Pietrinu.A chie offesu
Hat s'iscuru? A nisciunnu
Sequestradu l'hana tentu e gitu
A u'han sos bannidos designadu.
L'han fat'iscriere a sos de famiglia
De mandar'una motto carrozella
Cun dinari e bidones pro signale;
L'hana mannada, e retiradu s'hana
Unu miglion'e mesu, e non cuntentos.
L'han dadu morte che cane o colora
Senza dolu ne pena poverinu!

Sos chi gasi l'han fat'a Pietrinu,
Ischinde chie son'a issos puru
In su matessi muru
Cherian similmente Iapidados.

Motto
(S'Astore )