Informazioni sull'opera
SU PASTORE LADRU
Torra dae lontanu su pastore
Ch'ha passadu s'igerru in terra istranza;
Si' scutina' dae subra su torpore
C'ha d'ingrassar carch'erveghe lanza.
Non chi non b'appa' godidu pro meda
In cussos campos bundantes de erba,
Ma faghe' ben'unu pagu de feda,
Ispezialmente pro sa rob'acerba
C'ha bisonzu de ristoru in abbundanzia
Pustis de otto dies decaminu
tantu piusu in tale circustanzia
Cheren'a mandigare de continu.
Tocca de allevare sas anzenas
Capitades pro cumbinazione,
Chi dan'a nou,prus mannas sas perlas,
Cuddas chi gighen'in fattu s'anzone.
E mi pare' bind'appa già chimbanta,
Sottidas dae manca e dae destra;
Ei su pastore de custu si anta.
Chi non b'ha che a isse manu lestra
De sa sua pro fura e pro marcare
Ea sinnu giustu precis'a sa sua;
su padronu s' eni'pro chircare,
Lestru bisonza' ch'isse si che vua!
In coil'una die sa pattuglia
Acciapa' senza sinnu e senza marca,
De igerru mannitt'unu anzone
A su pastor'essi mala sa buglia,
Ca sa legge e sa manu subra carca',
Dendeli battor' anos de presone!
Ansicora
SU SONU DE SA CAMPANA
Su manzanu a s'impudile,
Cand'ispunta s'aurora,
Bessi' dae campanile
Un'eco bella e sonora;
Una soave armonia
C'allegrad'e chi rattrista';
Chi da' lughe e chi da' ghia
Cand'oscurada sa vista!
Paret su tintinnu sonu
Chi nerat:" trist'e s sa vida;
Es' menzus fagher'a bonu
Ca si su male s'ischida',
Non s' ha nessunu cunfortu,
Nessuna gioia l'attrae';
Egià si disiza' mortu,
Pro haes paghe in cuddae!"
Su sonu paret chi nera
Chi brev'es sa sosta in terra,
Chi tramontand'es cust'era,
Chi vicina est'una gherra
In ue s'umana zente
Si occhid'a manu sua,
E in custu mundu niente
B'ha meighina chi giua!
Pro salvare su disastru
Es' bene rimediare
Cun su coro a tottu cacu
E pode' torrare s'astru
D'amor'intensu a brillare
In mundu rinnovelladu!
Ansicora
SA VIDA IN SARDIGNA
S'ischi chi sos romanos in Sardigna
Su monte frumentariu han postu in mottu,
E cmprendian chi sa zente vi digna
Da haes triu e pane a friscu cottu;
Dain laore a vivere,e torrare
A su raccoltu,in matessi misura,
Senz'unu grammu dend'ispeculare,
E senz'usare litros de usura!
E oe custa terra est tottu incolta
Ca nessun'ha pius su semineriu;
E s'ide su massagiu dare olta
Dae su campu,chi vi su soun imperiu;
Est custrintu pro forza a emigrare,
Lassande sa familia derelitta,
In sas fertiles terras d'oltremare
Ue s'oper'umana est'infinita.
E sun dughenta mizza in terr'istranza,
Partidos da'inoghe in chirca e sorte;
Atteras naziones sun chi alanzas
Ca trabaglian pro issa fin'a morte!
E narre chin Sardigna sos trabaglios
Devian'ees pro doppia zente:
Ma bi sun sempre in mesu sos'incaglios,
E non s' es fattu e non si faghe niente!
Itte faghe su guvernante sardu
Pro ponnes frenu a s'emigrazione
E trabaglio sos sardos in Sardigna?
Pessa pro issu solu a ponne lardu!
E si ripeti s' eterna cantone:
"Si dole matta si udda gramigna"!
Ansicora
Titolo | Su pastore ladru- Su sonu de sa campana- Sa vida in Sardigna |
Sezione | |
Autore | Ansicora PSEUD |
Nome | 1960-31 |
Anno | 1960 |
Argomento | |
Descrizione | |
Lingua | |
Editore | Premio Ozieri |
Contributore | Tecnoservice s.r.l. |
Tipo | |
Formato | |
Fonte | Premio Ozieri |
Relazione | Concorso Premio Ozieri 1960 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |