SU MILITI IGNOTU

In su Vittorianu monumentu
C'est su simbulu de sa gloria,des'onori;
C'est s'esempiu de s'idumitu valori,
C'est s'Eroi de dogna cumbattimentu.

Risèrrat s'italicu sentimentu
Fattu de sacrificiu e de ardori;
Perpetuat su vessillu tricolori
Chi sventulat triunfanti a suu bentu.

In su tùmulu de paxi e de gloria
GenufIessus tott'is cumbattentis
Suffragànt is estintus valurusus.

Risorgint is murtus nostrus gloriosus
Po infundi prùs coraggiu as viventis,
Po scriri altrus branus in sa storia.

Piricchittu


EST MORTU SU PAPA

Sunt'appena is duas de mangiànu
E su sonnu po nottesta s'est partiu.
In sa stanza fittu est su scuriu,
Su silenziu solu regnat sovrànu.

Unu tòccu dolorosu ma lontanu
Tra su spaziu improvvisu est beniu;
Unu sensu de tristesa risentiu
Hapu in su coru, e non invanu.

Si de luxi s' orizzonti est inondàu,
De tuttu s'est bistia s'umanidadi
Ca plangit sa sciagura chi hat tentu.

In sa port'e su celesti firmàmentu,
Aundi solu est gloria e santidadi,
Piu dodicesimu oi est brindau.

Piricchittu


SU POBERU BREGUNGIOSU

In s'angul'e sa porta sgangheràda
De unu misèru tuguriu devastàu
De is eventus bellicosus ch'hat passau,
Unu pòberu beccioni nei sostàda.

S'impront'e su patirizi presentàda;
Pallidu,denutriu e affamàu.
Su bistiri a brandellus,lacerau,
Su carlor'e su soli ddu ristoràda.

Cussa trista miseria non dd'offendit,
Sa gravi sufferenzia non dd'est pena,
Su benèssiri sperat de sa

Puverittu! contraria da'est sa surti;
De tres disi senz'e pràngiu,senz'e cena
E po bregungia sa manu no dda tendit

Pericchittu