Informazioni sull'opera
SU MASSAIU
Sa terra'a sa cali has cunsacrau
sa vida,sa saludi,s'intelligenzia,
ti colmat de speranzia s'esistenzia,
t'alietat su sudori ch'as versau.
Candu su campu bis inondau
de sa spiga matura in prevalenzia,
unu sensu de sentia riconoscenzia
sollevas a su xelu soddisfau.
Non t' opprimit su gelu, su calori,
nemancu sa stanchesa ch'às suffriu
ca po tui su treballu sempr'è festa.
E candu turbinosa sa tempesta
distruggit su coltivu gai finiu
non t'avilis,ma riprendis prus ardori
PIRICCHITTU
UNA FOTOGRAFIA
In su scaffali becciu abbandonau,
cartaccias in disusu nci tenia,
Po mantenni prus òrdini e pulizia
de ndi fai unu scartu hap'ideau.
In me ' sa tanta roba hap'incotrau
(cun vera delicadesa custodia)
una bella,preziosa fotografia
chi de gioia su coru m'hat colmau.
Sa serpi,a sa matt'arrampicada
cue sa lingua velenosa roteanti,
su peccau originali presentada.
a s'orror 'e tali scena desolanti
sa santa fiamma mia mi educada
mostrendi cussa foto degradanti.=
Piricchittu
PASCA
Olezzat sorridente sa natura,
tottu su creau est un'incantu;
s'intonat melodiosu dulci cantu,
scumparit 'in su coru sa tristura.
In d'una solitaria sepultura
sa morti prus crudeli hat infrantu
su Fillu de Deus, Crisusantu,
po salvai cust 'ingrata creatura.
Pasca est su triunfu grandiosu
chi elevat dogn'anima a sa gloria,
chi cuncedit po eternu su cunfortu.
Comenti de sa morti Ses risortu
fai,chi sa vida nostra transitoria,
gosit in santa paxi su riposu.
Piricchittu
Titolo | Su massaiu- Una fotografia- Pasca |
Sezione | |
Autore | Piricchittu PSEUD |
Nome | 1960-04 |
Anno | 1960 |
Argomento | |
Descrizione | |
Lingua | |
Editore | Premio Ozieri |
Contributore | Tecnoservice s.r.l. |
Tipo | |
Formato | |
Fonte | Premio Ozieri |
Relazione | Concorso Premio Ozieri 1960 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |