SU LUTU IN SU CORU

Aiaia
poìta su lutu
pò cussu fillu motu
fiat prus forti
de sa vida
de is atrus dexi filius?

Ti biu ancora

setzia in cussu furungoni
asuta 'e su stabedhu
cun su scannu sciundau
e su muncadori niedhu
strintu strintu in su tzugu

chi a stentu
fadiat passai su suidu

is manus in conca
sa faci in sa fasca
e cussas lagrimas
chi no spacianta mai!

Fiaus pitichedhus

totu paris in pratza
gioghendi
e tui no obiast intendi
s'arrisu nostru
strobada cussu prantu chene'e acabbu!

Aiaia
e immoi
ca dhu torras a imprassai

ancora potas su lutu?

Atziu is ogus a su Cielu
e immoi biu
su lutu e sa tristesa
po is atrus dexi fillus
e is tantis nebodedhus
chi su prantu chen'e acabbu
no t'iat fatu carignai.


Debora Steri
Oristano
28.01.73
Residenza: Cagliari
Via Tiepolo
8 - 09124
Tel. 070.541700 Cell. 349.6377971