A SA GIURIA DE SU IV° PREMIU DE SA POESIA DIALETTALE
ZITTADE DE OZIERI 1959.

SU INU MEU EST'INU A MODELLU,
PRO SA GIURIA LU TENZO RISERVADU,
FATTU DE MALVASIA E MUSCADELLU
ZIRONE,NEBIOLO E CANNONADU,
PASCALE COLORIDU E MURISTELLU,
DIGNU DE PRESENTADE IN COMITADU,
BARBERA CUN VERNACCIA IN'UNIONE,
SU INU MEU HAN FATTU CAMPIONE.

SPUTNIC


A Sa Madonna de su Rimediu de
OZIERI

MARIA DE SU RIMEDIU INTERCESSORA
DAE CORO T'INVOCO IN CUST'ISTANTE:
PODE SA MANU TUA BENEFICANTE
SANADE TANTOS MALES IN D'UN'ORA
SES'ITELLA LUGHIDA IN S'AURORA
CHI GUIDA SA BARCA NAVIGANTE
MILLI GRAZIAS CUNZEDIS ' IN SA DIE
DE SANADE TI PREGO PURU A MIE

NO MI LAMENTO PRO SA MALADIA
SA CHI DEUS M'HA CREFIDU
MA DIE E NOTTE MINDE DEPO ISTARE:
SOLA SOLA IN S ' ISTANZIA MIA
A TIE INVOCO, VERGINE MARIA
E A S'ANGHELU MEU TUTELARE
INVOCHENDE A BOIS CUN'AMORE
LEGGERU GIA SI FAGHE SU DOLORE.

SPUTNIC


A SU CANTADORE IMPERTINENTE
SI ASA DE CANTARE CANTA ONESTU
NON T'AGHEDES CHE INU IN DAMIGIANA
LASSALU CUSSU CANTU DISONESTU
E CANTA BENE SINDE TENES GANA
TANTU NON M'ISPAVENTAS TUE PRESTU
CAPPO SA FORZA DE RAZZA PISANA
E SI CUN MEGUS TI GHERES PROADE
GIA' TI L'IMPARO SU MODU E CANTADE.

ASI NON CRETTAS CHI CANTAS'INNOGHE
IN MESU A ZENTE CAPPARBIETINA
MANCARI CHI NO POLTE BELLA OGHE
APPO PERO' SA MENTE DIAMANTINA
INNUTILE CUN TIEGUS CHI BI GIOGHE
CAPPO ATTINTU DE S'ABBA CRISTALLINA
DE CUDDA CHI GIAMADA EST D'ELICONA
TENE S'ISTINTU SA MIA PERSONA.

NON MI TRATTENZO INNOGHE A CANTADE
CA MUTTENDE DA NOU SU DOVERE
SI NO T'AIA FATTU AMACHIADE
DE CANTADE NDE TENZO PIAGHERE
SA FORZA MIA PRO LA MISURADE
CHE A TIE TREGHENTOS BINDE GHERE
TERMINO CUSTU MEU DISPUTTINU
CA SU TEMPUS SIGNADU EST'AVICINU.

SPUTNIC