SU ERANU

Su 'eranu adeccollu torrare
finida s'invernale istagione;
sa rundinella torrat a cantare
e cantat cun issa 'ogni puzzone.

Cuminzat ca-e nou a isbocciare
rosa e gravellu in unione;
ancora sa candida giunone
su coro a s'amante solet dare.

Si mi, ro sa campagna curigliana
frísca e de fiores arricchida,
cun s'aria pura, mite a sana

a su malaidu allargat sa vida;
abba frísca b'hada in sa funtana
dolzura 'e primavera fiorida.

. "Sardignolu"


S' ISTIU

Cantada cudd'areste turturella,
torrada de s'istiu su calore:
messat fin'a notte a lugh"e istella
su massaggiu, in campu, su laore.

Cun s'ama in sa pianta prus bella
meriat in montagna su pastore;
de flores adornad ' est sa cappella,
siccande 'atit semenza su fiore.

Cumpridi sa frutta 'ogni pianta
sa campagna in tottu nd'est piena,
a s'arbore, frisca e bona tanta.

De sa merula cuntentes' amena
bi faghet su nidu, inie canta (t)
s'affiancat de frutta, s'igalena (t).

Chelu giaru


A Nostra Signora de su Rimediu

Maria de su rimediu sinzera
Ses de su chelu rara virginella,
de Cristos potente sa mamma vera,
giara, luminosa, pura istella.

Lughes che-i s'oro in sa cappella,
de su Divinu sa Rejna altera.
Maria ses deliziosa e belle
custu mundu guverna e impera.

A ti s'invocat dogni cristianu;
ca ses de candore veru accisu,
de 'ogni populadu tene pena.

A chie t'implorat cun sentidu sanu,
Rejna c'has valore in paradisu,
sa terra li rende pius amena.

Chelugiaru