SU ENTU

SEZIDA IN PUNTA DE UNU CONTONE
CHI EST POSTU IN MESU A SA CAMPAGNA
MI GODO IN PAGHE TANTU SILENZIU
CHI POI PERO'
IN SU MEZUS MOMENTU

A DISTURBARE ENIT SU ENTU.

SUTTA SOS PESE GIUTTO UNA MATTA
DEFIORESFRISCOS:
SUNT COLORADOS DE VIOLA AZZESU
LOS PODEN BIDERE FINZAS ATTESU.

PIUS A CUDD'ALA DE SU CONTONE

INUE B'EST S'ERVA ANCORA IRDE

BIDO PAPAVEROS IN PRUZESSIONE:
UNU PRO UNU FAGHEN S'INCHINU
A SUENTU'E ERANU
CHI PASSAT VICINU.

M'ABIZO POI CHI ATEROS FIORES

ISTELU LONGU EPPANA O MUZZU

A' CUSSU ENTU S'INCHINAN TOTTU
CAND'ISSE A ISSOS PASSAT ACURZU.

S'AVVIAT SU ENTU
GRANDE CUNTENTU
PRO SU RIPETTU CHI L'HAN MUSTRADU
E S'INCAMINAT
CANTENDE E FRUSCENDE

A' CUDDAS AVURES CHI HAIAT PUDADU.

DA ISSAS PURU PARET PRETENDADA
RIPETTU MANNU AD OGNI COSTU
SIAT RATTU ERETTU O PURU TOSTU.

PARO S'ORIJA
PARET CH'INTENDA
NENDE A SU ENTU: -NO SES BONA PRENDA!

SOS RATTOS NOSTROS ASA TRUNCADU
BEZZOS E NOOS TI ND'ASA LEADU:
SI ABBAIDAS BENE
DE SAS TEMPESTAS
SUNT SAS FERIDAS ANCORA ABERTAS.

BENIT INTANTO UNU TOCCU 'E CAMPANA

SIGHIT SU ENTU A DARE MATTANA

CHE' S'ERVA PRISCA E TOTTU SOS FIORES
SUNT SA CRIADURAS ANCORA MINORES:
ISSAS JOGANA CUN DOGNI ENTU

A ISSOS S'INGRUSCIANA IN DOGNI MOMENTU
PRUITE A SA VIDA SUNT ARRIVENDE
SOS OJOS APPENA ISSOS SUNT ABERZENDE.

SA ZENTE MANNA
CHI ND'HAT GIÀ' PASSADU
EST CHE' SAS AVURES CHI SU ENTU HAT PUDADU

CHE' CUDDAS AVURES HAT FERIDAS ABERTAS
MANCARI A TOTTU NO MANIFESTAT

TIMET SU ENTU SA ZENTE MANNA

PERO' NO HAT MODU 'E TANCARE SA JANNA.

EST COSA TRISTA
TANDO
A PENSARE
CHI SU ENTU SEMPRE NOS PODET TRUNCARE.
PRO TOTTU CANTOS
O PRIMA O POI

ENIT SU ENTU A NOS TRIULARE
E NO AMUS ARMAS PRO LU CUNTRASTARE.

GIOVANNA CAMBONI
VIA DELLA LIBERTÀ' N. 34
PLOAGHE

TELEFONO 079/449804