Informazioni sull'opera
SU CADDU ' E SARDIGNA
ANIMALE DISTINTO
A cando sas' istradas fin biancas
Machinas pagu sind' agataiat
Tando a su tribagliu s'arrivaiat
A forza de ispiritu e de anchas
A sos tempos sos caddos in sa tancas
Pro mesu de trasportu si usaiat
E pro nostru costumine connottu
Cun sos runzinos risolvian tottu.
Ma bi fin puru sos caddos de lussu
Chi a sa terra nostra han fattu onores
Fin sos arabos-sardos curridores
Chi su prestigiu han mantesu indiscussu
Ma tratados no fin solu pro cussu
A pompa manna dae sos signores
In medas festas e occasiones
Adornaian sas pruzessiones.
Sos caddos de sa giara ite bellesa
Ch'ammiro in su fiottu pasculende
Movendesi cun grascia e currende
Ammiru de sa zona nueresa
Chi in istadu de naturalesa
Los suni a sopravivere agiuende
Sun selvaticamente tentos gai
Pro chi sa razza non s'istingat mai.
In sas cursas Laerru ses distintu
E de custu n'he so meda onorada
In custa idda chi deo so nada
A sighire sas garas mad'ispintu
Marcusa e Gargalo ses distintu
Vignola est' istada immortalada
Chi pro sa fama chi in cursas a tentu
Meritat de li fagher monumentu.
Ho terra Sarda canta meraviglia
Custodisi in paese e in campagnia
Su costumine ch'hasa intro s'intragna
Tramandas dae famiglia in famiglia
A dogni parte offeris sa sartiglia
Dae su Logudoro a sa muntagna
Cun caddos bellos e fantinos espertos
Finas imbidiados dae zertos.
Calzaghe Vittoria
Via G.Deledda
1
07030 Laerru (SS)
TEL. 079 57 09 015
| Titolo | SU CADDU ' E SARDIGNA |
| Sezione | |
| Autore | Vittoria Calzaghe |
| Nome | A2006002 |
| Anno | 2006 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2006 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |