Informazioni sull'opera

TESTO


SU BADDADORI

Totu is cussorxas apu dèpiu girai
Seu baddadori de is nomenaus
Dònnia ballu sardu isciu baddai
Giai a piciocu ddus apu imparaus

Apu imparau prima is de Campidanu
Printzìpiu sa dantza cun is launeddas
No dd'arròsciu mai no passu sa manu
Scioberu sa dama tra is bellixeddas
Is cambas mi trobeddas cun su fioràssiu
Benimindi spàssiu cun s'ispinellu
Baddadori bellu finas a mi castiai

Su puntu 'e òrganu sa mediana a pipia
E sa simpònia cun sa fiudedda
Baddu cun cojada e cun bagadia
Deu a cartzonis e issa a gunnedda
Pàrgiu una stedda de su firmamentu
Mancu unu momentu m'aturu a solu
Ca seu su consolu de chini no bàddat mai

Candu apu baddau cun totu is cuntzertus
E girau beni in su Cabegiossu
Bessiu seu tra is mannus espertus
Pretzisu est a sartiai su fossu
Ca seu unu colossu de custa antiga arti
A àtaras partis cumìntzant a pediri
De mi podi biri po gosu insoru puru

Ca su ballu praxit finas in Cabesusu
Siat ballu tundu o passu torrau
Sa dantza e su lestru ancora funt in usu
Po cussu siguru ddui seu andau
E certu prexau mi potzu nai
Sighendi a baddai a sa moda gabilla
Ballerinas sintzillas nd'agatu innia

Unu ballu brincu infatu de unu sèriu
Peri is festas de sa terra nostra
Unu dillu custa una logudoresa s'atra
Totus lassu cuntentas parit mistèriu
Sempri cun critèriu tra àrciu e durdurinu
A sonu 'e tumbarinu baddaus impari
Is undas de su mari nimancu mi bincint

Ma su mellus baddadori puru si fìrmat
Pàssat sa gioventudi arrìbbat sa becesa
No dd'arreint is cambas su bestiri arrìmat
Ni fortza prus tenit ni cudda lestresa
Gei fiat bella impresa su baddai apetotu
Is biddas totus ddas apu onoradas
E damas isconsoladas no nd'apu mai lassau

Ivo Murgia
Via Cernaia
23
09134 - Pirri (Cagliari)
Tel. 070501446
e-mail: Questo indirizzo email è protetto dagli spambots. È necessario abilitare JavaScript per vederlo.


SCHEDA DELL'OPERA
TitoloSU BADDADORI
Sezione
AutoreIvo Murgia
NomeB20030058
Anno2003 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2003 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo