STIMALA BELLESA"

Mundu! Giardinu ses deliziosu
De sa manu Divina, coltivau
Chi s ' omini nd'atturad'incantau
Parid sempri beranu rigogliosu,

Chi si siccad ' unu fror'odorosu
Lassad logu a un'altru profumau
Do sa propria manu architetau
De coloris dilicaus vigorosu

Arrid'a su cospett'é sa natura
E s'essenze nd'atturad po memoria
De unu flori chi sparid de giardinu

Po tottus est tracciau su caminu
In custa valli trista e transitoria
Liau chini lompid ' a s'altura.


"FIDUCIA"

A passu lentu e piccu a coddu
Pustis sa di frida e proiscinosa
Assideraù furriu, ma sa sposa
Sospirad ca non tenid ' unu soddu.

"Alligra, amori miu e not'intristis
Ca bivi non deppeus affligius,
Unu basidu a tui e is pippius
E su coru de gioia ddu bistis;

S'affettu non trascuris chi miseria,
Amori coru, bis ' in donu posta,
Beni scia ca s'ierru est fatt'apposta
Rigorosu e cun dogna intemperia.

No ti spantis rosa mia ch'in sa fida
Sias poberus e abbisongiosus,
Scetti nosu non seus trumentosus
E coru noncind ' est senz ' e ferida.

Sufferentis tireus su bagagliu
Premunius de bona volontadi,
Preghendi de nci bivi in libertadi
No che tristus conillus in serragliu".


"S'AGRICOLTORI A SU BERANU"

Oh! Cantu ses bellu e sorridenti
Tottu froris beranu vantagiosu,
Stagioni ses di amori sorprendenti,
Singulari profumu deliziosu.

Sa vida si ricreada zertamenti
Cun su profumu chi tant'odorosu
Sintendid de lontanu vagamenti
In dogna campu bellu, rigogliosu.

E su fruttu in sa florida stagioni,
E ' cun tanti rigoglìu maturendi,
Si sperad chi abbundanti produzioni

Tengada, de sa terra coltivendi,
Su massaiu; tanti soddisfazioni
Su sudori versau ddi potza rendi.

"ARMONIOSU"