STAZZU INCANTATU


Pinsendi a te

lu soli;
lu ricreu
e la ciuintù bulata

torran'in cori.
Si sciutani sintiti

antichi amori
e rari boci alcani
chi lu 'entu
cantendi sirinati

accumpagnàa.

E chindi

in mezz'a la natura
eri cuntentu
e prufumatu da li meddhu fiori.
Da ugna 'entu
eri carignatu.
Stazzu incantatu!
Und'e te

passatu
agghju la me' ciuintura.

Sei tu

l'ammentu dulci e incantatori

sei
lu biatu sonniu di criatura.
Lumu istutatu
avali!
Sei pignendi
palchì di te
nisciunu più si cura!

Diseltu frittu
chi alla figghjulata
solu tristura
lachi
illu me' cori.!
Disici
speri
e tuttu
àni furatu
lachenditi murì
abbandunatu!

PALCHI'?