Sos poetas non s'ischidan
a manzanu


Sos poetas non s'ischidan
a manzanu...
e su sero si nche dormit
prima chi s'iscat
de cada die chi sichit

o cale mai at a essere sa resone
de cust'affannu 'e passos

chi mai s'an a irfrancare
dae su sentore maccu de un'albóre

Sutzedit chi su borbòre

in accorrada 'e isteddos semper reuniu

restat ghelau incue
a remediare
a su tramposu allèrju de su male

e ribos de carinnas
si lassen istrisinare
ube prus improbabile
s'istracat
s'essentzia nostra prus addolimada
... ube prus letrancosu
si ch'illònghiat
su bodiu
de custa irganidura amada.

Sutzedit chi mai prus
nos dìamus arrepentire
de tottu sas isperas
incanaladas
in s'intrinada fàtzil"e s'olvìdu

fintzas a essere mortos dae unu bisu...
... chi poi
bidu a ponente

no est mancu su restu de un'istòria

su bodiu de un'iscòria

ma s'unica
tirriosa prova
in bida

chi mai s'albóre at a éssere
sa sola nostra
angustiosa essida

Ammisturamus
tando

tottu sas dies
intregamus
a sos pedes sas distantzias

lassamus chì sos bàtidos nos naren
chi fortzis est troppu chitto

chi no est ancora tempus de dejunu


finamentas chi a manzanu

de poestas
no si nde siat ischidàu

galu... manc'unu.



AUTORE Andrea Chessa
n. Nuoro
31/08/1961

INDIRIZZO Viale Murichessa
32
08100 Nuoro NU

Questo indirizzo email è protetto dagli spambots. È necessario abilitare JavaScript per vederlo.

REC.TEL 0783/7734201 (ore ufficio)
347.7167840