Informazioni sull'opera
TESTO
Sos Poàtas
Segnòre
peldona... sos poètas
s'an solu cantùtzadu
pro imannare s'ispera
cun rebùddos d'amore
a sa pinna affidende
filontzanas de paghe
Sos poètas:
non cheren cùmbidos
in mesas de dolu
ca
lis pesan in s'anima
libertades grassàdas
cun odios e sàmbene.
Sos poètas:
in oras de apprètu
an desizos crobados
chi dzenia 'e Abramu
in sa terra connòta
costoan sas raighinas
de funguta mimoria
cun diosas avreschidas
carignadas dae frina
e nuscore'e mare.
Sos poètas
no pasàna
ma lampan a bentos
peràulas inganniòsas
e ischegana cuddas
chi s'anima pùnghene.
S'istoria no s'iscriet
cun sàmbene e lottas
ma cun oberas bonas
e suore.
Tue puru.. o Segnòre
ses semper Poeta?
SCHEDA DELL'OPERA
| Titolo | SOS POETAS |
| Sezione | |
| Autore | Carmelo Demartis |
| Nome | B20040029 |
| Anno | 2004 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2004 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |