3)-Sos Crabalzos.

1-Sunt dae minoreddosin su
Fattu e crabas anzadas et istellas,
A tempestas de entu,caldu et frittu,
Et a nottes de luna totu prellas;

2-Mirende montes de duru granitu,
De castanzalzu ezzas et noellas
Tuppas,chi b'hat inìe a ogni situ,
Chena ischire ite sunt sas artes bellas.

3-Et a fruscios oltende su masone,
Coglint de lande,calchi giuntighedda
Colende che silvone in mudegialzos.

4-Poi da una chima de elidone,
In sa pinnetta che pighe niedda,
Faghent truddas,folchettas et giogalzos.

Motto: S'unore'alet pius de su inari.

(I)- Figliate.
(2)-Che gli si è ammazzato il capretto-Craba istella.
(3)-Branco.
(4)-Cinghiale
(5) Boscaglia
(6) Corbezzolo


I)- Affettos de unu isentu 'e gherra'pro su babbu:

I-Bà., su suore tou a pane fattu
Manigo eo, a sero et a manzanu,
Tremendemi che foza etto sa manu
Cun s'amina piena de angustia;
Manighende;mi parfo carre mia,
De lagrimas pieno su piattu

2)-Bà.,sos omines malos de una die
Chelfidu m'hant isentu, disgrasciadu;
Tui m'as fattu mannu,m'has pesadu,
In mes'a chissà cantas tribulies.
Et so zeltu ch'in megus tando idias
De cras s'acchiddu 'e sustenner a tie.

3-Invece so ispina ,ite turmentu!
Ispina chi penetrat in su coro;
So elosu 'e sos mortos in s'insoro
Reposu,ca a nemos pedint pane;
Non che eo attuldidu cale cane,
Lende a chie bisonzat su sustentu.

4-Non t'affannes però;sende minore
Contadu m'hant de un Omine santu,
Ch'hat creschidu su pane et hat piantu,
Et hat amadu chie pianghiat;
Chen'iscarpas, in teniga andaiat
Preighende sa paghe ei s'amore.

5-Ite nde naras:sas lagrimas mias
Tet cras in pane onu cunveltire
Cust'omine?Se zeltu de non patire
Su famine,si tue non che sese;
Es lu sento,et tue, ido, lu crese;
Cant'has in coro lu leggio in pupias.

6-Babbu, si una die a sole ispaltu,
O una notte dae su balcone,
D'amore riccu,et de afflissione,
Ma cum " su pane nostra de onzi die"
A risu fattu iscobelzere a tie
Cum cuss'Omine onu in altu in altu

Motto. S'unore alet pius de su inari.

(I) Su pane nostru de onzi die etc.etc.
Dal Padre nostro in dialetto.


2)A sos tribagliantes de sa diga 'e Lerrono.

1-Eo bos bido unu manzanu 'e sole
Alzende a chelu cantones amenas,
Ca bos buddlt su sambene in sas venas
Che i sos nontros antigos vulcanos.
Ahlpernittide,giovanos galanes,
Cun bois m'accunpanze et mi console!

2-Cun santas armas de bramada sorte
Astrintas in sa manos attarzinas,
Sa mama bella 'e totu sas pischinas
Bois andades a faghere cun briu;
Et intendo ch'isclamat già su riu:
"Saludu,gioventura sana et forte!

3-Saluau! et cantos seculos trazende
sas undas mias so a chirru a mare!
Et in s'andare tristu disizare
Solìa menzus felizes destinos.
Sa oghe muda 'e seddidos terrinos
Intendia,chi s'abba fit gianende."

4-Omine ch'azis devidu finire
Sa vida in cussos vados,ischidade.
De lughe estidosus de felizidade;
cantade puru totu de unu coro:
Benzat sa diga Lerron,bundet s'oro
Pro sas terras chi isa hat a bochire,

5 Giustissia pro totu,et beneitta
Siat s'opera grande et poderosa!
Su Segnore,ch'est babbu de ogni cosa
Cale Deu li fattat sentinella;
Su piscadore,sa femina bella
Ninnet,ninnet su lagu in sa balchitta

6-Già ido su cominzu.Ite consolos!
Pane promittint sos lugninos piccos;
Frades mios,de mi11i sonnos riccos,
Su passadu distruide dolorosu.
Lerrono riet bellu et maestosu,
Sas aves cantant et intrizzant bolos,

7-Gennargentu et LInbara,ambos impare,
Chlant s'odiu connottu,isu dolore,
Allegros oe sunt.Che unu fiore,
Sardigna,rie a su chelu,a su mare!

Motto: S'unore alet pius de su inari.

(I) La diga è di pessima costruzione.
(2) Il Monte,Lerne.
(3) Leggiadri.
(4) I1 fiume che dovrà essere imbrigliato è ricco
di piccole piscine naturali.
(5) Gli uomini che durante il tempo sono stati
travolti dal fiume in piena.
(6) Ades, adu; guade ,sito guadabile del fiume.
(7) Il Monte Lerne fu pure chiamato Lerren.Alle
sue faldi sorgeva anzi un villaggio emenine,
che era pura una delle principali curatorie
del giudicato di Torres. Appartenevano a tale
curatoria:Lerren,Buddusò, Onanì, Bitti, Alà
Osidda, Balamine.
(8) Intendasi; le terre che il lago dovrà seppellire
vengano ben pagate.
(9) Cen g1i occhi della mente vede già l'inizio
dei lavori.