Informazioni sull'opera

TESTO


Sona campana

Intendu sa campana sonai s'arrepiccu
chi cumbidat a sa festa nodia

a sa festa manna
festa 'e poesia

apparicciàt de maistus de paxi.
A i custu cumbidu no bollu mancai

andu currendi deu puru a imparai
i a gosai sa benedizioni de chini

in custa missa chi no tenit fini
hat cantau is bellesas de sa terra fàtada

de maja arroliada
de sa genti valenti.

Andu po ascurtai sa missa cantada

de rocchettu biancu bistiu po serberi
su pani e su binu
fruttu de traballu
e sudori de s'omini chi po grazia
de su Babbu Divinu
donat recreu
e s'anima appaxiat cun Issu.

A is maistus bollu apporri sa manu

po mi portai a mizzas de amistadi
aundi est bundanzia de stima e paxi
chi a totu su mundu i a bolli spraxi

i a su toccu 'e campana iscidai
su coru de chini est gherrendi
e custu sonu no bollit intendi.
Ma tui sona campana
no ti firmisti

i a su mundu fai sciri de sa terra mia

de manus strintas
de ballu tundu

de sonus armomosus e sulittus de canna

chi allirgant su coru e faint festa manna.



SCHEDA DELL'OPERA
TitoloSONA CAMPANA
Sezione
AutoreLuigi Suergiu
NomeB20040098
Anno2004 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2004 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo