SOLU CHICI

Socu ambarendi chici
in chistu chjusu anticu
pai vidè fiurì un alto branu
chì chistu fritu
a un curronchjulu custrigni
li me'sintiti
e di la carri signa
li piggji curriazzi ill'accunoltu.
Socu ambarendi toltu
in cancalleu
com 'un guttiggju dulci
chi in una fronda ambara
amara solti ill'attu
d'esse accoltu da la tarra.
Di gjugna gjema ascultu
cantu di nuscu a l'ànimu
prummetti
primma chi sia lu caldu
a dalli 'ita
e fa di li bracciali nascimentu.
Socu ambarendi chici
e n'aggj'ammentu
di chiddi foli
d'olchi e di sireni
di canti e canto amà
più si pudìa
chistu tarrenu tostu
e gjugna chèvia.
Socu ambarendi e ambaru...
chi s'è lu branu
lu tempu 'inidórì
m'aggj'a stintà midd'óri
pal poi sciutammi
e dà luci a lu sonniu
a fac'a mani

ch'è libbaltai
un bólu di parrici
e l'aria netita
gjilata

è l'aria chi rispiru
sólu chici.



Gianfranco Ganucciu
via Lentini
3
07029 Tempio Pausania (SS)
Tel. 079 670173