Informazioni sull'opera

TESTO


SOLTI CRUDELI

Solti tantu crudeli sei stata
L'undici malzu lu corantatrè.

Tu amara e disgustosa oggj m'appari
Sfugj da l'occhj mei com'un ventu
Causa di peni e di disgusti amari
Tirana se di mè lu più tulmentu.
Tu gjri cu la molti tarra o mari.
Tuttu poi distruggù in un monentu.
Di mamma hagju in memoria chista data
Nisciuna mi cunfolta nè mi ò bè.
Solti tantu crudeli sei stata
L'undici malzu lu corantatrè.

Lu corantunu mala ti mustresti
Lu 'intunu gjnnagju, minacciosa,
In manu a lu nimmicu tu mi desti
In Tobruk in diseltu isidiosa
Cussì in Sud Africa m'accumpagnesti
Illu mari oceànu eri oscurosa,
Minaccendimi a moltu d'ugn'undata
Era insidiosa cumpagna di tè.
Solti tantu crudeli sei stata
L'undici malzu lu corantatrè.

Lu celi libaltài cuncidisi
Illu corantacincu rimpatrièsi
Lu cori suspiraà e m'affigjsi
Appena chi in casa eu intrèsi.
Fiddolu ! haggj pazenzia babbu disi
Sfultunatu mi disi e suspirèsi,
Mamma! la più cara ahi ! m'è mancata
Senza lu mè cunfoltu molta è
Solti tantu crudeli sei stata
L'undici malzu lu corantatrè.

AD ASTRA


AIO' AIO' AMATA

Aiò aiò amàta chi turrèmu
Come'prim a lu corteggiu amurosu
Di fronti a lu mundu è valgugnosu
Chistu silenziu chi noi aemu.
Senza te no possu sta.
Lu no videtti tantu mi maltratta,
Candu più maltratti pensu a teni
Pa culpa di li toi e di l'angeni
Sei tanta risolutta e ingratta ?
Amata cumpagnia d'una olta;
Ancora l'idulu di lu mé cori:
La tò alluntananza è un rigori
Chi lu me corisuppolta, oggj no
Senza te paci no ha.
Tu sei luntana e indifferenti
Annattendi dulori notti e dì:
Amori, amori, tu mi fai suffrì,
Di ca tantu ti brama no t'ammenti?
Aiò, aiò, turremu cori amatu !
Chi t'amu come prima sta sigura,
Voddu aetti sempri in gaddura,
Duranti la me 'ita a lu me latu,
No piu' luntana da me,
Abali è tempu di falla finita,
D'abbandunammi no lu credu mai:
Palchì tu mi se cara gjà lu sai
Comu socu passendi la me ita.
Genti mi dici: und'è la to'amata,
La dea di Gaddura,l'amurosa?
E sempre chidda Jenti invidiosa
Chi a li spaddi da la pugnalata;
Eu no rispondu e pensu a te.
Sabatu sera vengu a Platamona,
Cuntentu e ansiosu a incuntratti:
Un basgju in bucca vularia datti,
Dunosa, come prima, sii bona

AD ASTRA

SCHEDA DELL'OPERA
TitoloSolti crudeli- A un malatu- Aiò Aiò amata
Sezione
AutoreAd Astra PSEUD
Nome1960-56
Anno1960 
Argomento 
Descrizione
Lingua 
EditorePremio Ozieri
ContributoreTecnoservice s.r.l.
Tipo 
Formato 
FontePremio Ozieri
RelazioneConcorso Premio Ozieri 1960 
CoperturaLogudoro, Sardegna Italia
DirittiComune Ozieri, Premio Ozieri
Analisi del Testo