Motto: Fiorittu

SO' 'EZZU

So' 'ezzu e guasi disgustadu
Vivo cun s'isperanzia 'e su dolu
Prima cun fizzos medas oe solu
E m' 'ido in cust edade abbandonadu.

Si malu o ingiustu fia istadu
Su coro meu non si vl pentidu
Anzisi a su malu obbedidu
Aiada si si l'aiat meritadu.

Sa mia fi diversa volontade
E suffro su no essere obbedidu
Su g'haia fì sempre divididu
A issos e cun totta s'onestade.

Cantu trabagliu e pagu ripposu
Sas manos gitto arcadas e duras
Su corpus meu est tottu disauras
Su movimento meu est piedosu

Si mi parede a manos e a ghizzos
E si so goi, già nd'happo regione
Ca pro viver s'intende deghe fizzos
No lu podia faghe su mandrone.

Suore, forza e briu app'eo dadu
A issos cun magnifica manera
Ei gomo non passana in carrera
Timende chi calc'unu ' enza giamadu.

Chi Natura infame tue has tortu
Ses falza pro ghie faghe de su bene
Gai han fattu a Deus e lu crene
Sos amigos mantessi l'hana mortu.

Isse cun forza canta ha dadu prou
Ma eo chi non tenzo cussa sorte
Si m'occhini abbarro cun sa morte
E non torro a su mundu dai nou.

Pro idea maligno sunu fissoso
Tottu creimus de haer cunfortu
Su ghi han issos pro nois est mortu
Mentre su g'hamus nois est pro isseso.

Ma cun tanto non s'odia su fizzu
B'happada cale sia circustanzia
Suffridi e si prega s'abbundanzia
De benes, ed est custu su desizu.


Motto: Fiurittu

SU 'EZZU SUNNIENDE

1
In mesu 'e giardinoso 'e fiores
D'eri notte mi so sunniadu
E mi pariada chi via terradu
Giovaneddu e pienu 'e vigores,
Battaglieri e Frontu in sos amores
Chi pro me fì tottu immentigadu.
Non via solu, mi si vidi unida
Una giovane bella a prima iscida.

2
Una rosa in manoso iffozzende
Gighiada e l'intendo, amore 'e Deu,
Cussa faccia fissada a pettus meu,
Creide, la creia pianghende.
Invece mi la 'ido accarezzende'
Dendemi gustos, sentidu recrea.
Paria cumbinada sa prommissa
De gherre bene a mie ed eo a issa.

3
E nde resta segura, filos d'oro
Li fì fidele sa proposta mia,
Ma fì su sonnu falzu in poesia
Diventada e inganna cussu coro.
Agiu,nde tenzo si como l'imploro
Est finidu, fuida est s'allegria
Ca finis ispassos de sa fantasia
S'ischerzu giustu pro s'edade

4
E fini gai e mori s'idea
Resta s'ingannu e perdo s'amore
Fini su giogu e intra su dolore
E fuidi dae manos cudda dea
E mi torro a dormire, cosa fea
Su gustu mi diventada in rigore
Ei s ' iscena c'est finid gai
Fi sonnu falzu: non nde 'ida ma:


Motto: Fiorittu

SU CALZOLAGIU E SA MUZZERE

Curre curre puddedru a su tanchittu
E no intendes no a ti firmare
Ponebi conca e pensa a ti frenare
Si no, ti lu fatt'eo su gioghittu.

Eo t' 'ido chi brincasa e t'ifogasa
Chirchende sas puddedras che a tie
E leas gustu trascurende a mie
E de sa mia onestade ti nde giogasa.

Non ses caddu runzinu già l'intendo
E non si dormidi a s'edade tua
Non sias falzu e nemmancu a cua
Nde fattasa chi eo ti cumprendo.

Non ti manca trabagliu e ses cumpridu
Addolu mannu, mi nde dà sa proa
ses dogni die cun puddedra noa
No este a oe chi ti appo 'idu.

Su viagu lu leasa dai tesu
E non tenes birgonza ' e chircare
Sian viccinu o siana attesu
Faghes de tottu a ti las giamare.

A cantu pare no est culpa tua
Convinta chi ti 'enzan puru a domo
na cando ti dizidisi: nara como
A torrare puddedru a domo tua?

A mie mi lassas sola sempre in cue
In demo prepparendedi s'ispau
E tue mi ses filende su cannau
Guai si ti moves dai gue.

Itte ti crettas? Chi ses solu tue
S'omine valente 'e s'incontrada?
Si la mov'eo custa falza istrada
Ista segura chi no m'isto in cue.

Como lu so seccada e basta gai
Non ti nd'enzada idea mancu appena
Si pones passu ti ponzo cadena
E so segura,chi non m' 'ides mai.

E fini goi cust'iscapricciadu
Lighendelu in manos e in pese
E si contada sas dies de su mese
Intro ' e domo è sempre umiliadu.