Informazioni sull'opera
TESTO
SI MORIT S'ISPERA
Albeschet
purpurina s'aurora
no' est custu manzanu
s'orizonte
s'est de nues nieddas carrigadu
e su sole
oscuradu
cun sos rajos de oro
no illuminat addes né costeras;
olant in sas aeras
sos battor cavalleris orrorosos.
Cavalleris de fadigu
de morte e disisperu
cavalleris de gherra.
E nois
chi attraessamus custa terra
frafaruza 'e s'immensu
illusos d'esser meres
e meres de su nudda
semus che fozas mortas.
chi moliant
in s'arcanu tremizolu 'e su tempus
a nois matessi istranzos.
Semus pantamas lanzos
chi s 'isfaghen.
a su frittu lugore
de cust' albeschidorza sena ispera.
SCHEDA DELL'OPERA
| Titolo | SI MORIT S'ISPERA |
| Sezione | |
| Autore | Giovanni Domenico Maicu |
| Nome | B20030041 |
| Anno | 2003 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2003 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |